蔡思贝今日（11日）为世界杯展览活动担任嘉宾，她表示自己由细睇世界杯睇到大，因为她爸爸是忠实球迷，不过她就没有特别喜欢的球队和球星：“我系跟风嘅，唔系睇靓仔，会睇下边队热门，睇入球几多。试过喺英国睇过live嘅球赛，气氛好好，球迷好热情，都想带爸爸去睇去感受下现场气氛。（你识边啲球星？）C朗、美斯，今日见到现场有C朗着过嘅波衫展出，上面仲有啲泥迹喺度，我见到就感受到佢上场嘅热血。（今晚会唔会同爸爸睇开幕礼？）我今晚会返屋企同阿爸食饭，不过今晚开幕好夜，唔知睇唔睇到。”

认系又喊唔系又喊

问到蔡思贝早前拍过一部足球有关的电影，是否需要熟悉球赛规则？她说：“我主要系练自己嘅球技，自己喺特别偏僻地方嘅公园练波，都有受少少伤，最大嘅感受系足球唔可以有个人主意，团队精神同合作好紧要。我演咩角色到时候大家睇就知，到时再分享。（想唔想男朋友系运动员？）无谂男朋友，我呢段时间净系想睇波。”对于她好友何雁诗早前爆料指她“系又喊唔系又喊”，对此蔡思贝说：“我哋前排先见完，佢讲得啱，我系一个感受好大嘅人，我睇《阿嬷的情书》喊到抽搐。”

全力工作拒谈恋爱

问到蔡思贝为什么提到识男朋友会这么决绝？她说：“因为我好清晰，太清晰喇，我要做嘢。（啲好姊妹有无介绍？）无，顺其自然，系有人approache，但我可以拒绝。我依家要靠自己接job努力工作。（会唔会好难？）无话难唔难，有工作就做，尽力就得。（有无留意旧公司有欺凌嘅报道？）无留意。（你自己有无经历过？）唔记得喇。”对于《少林女足》电影上映日期不是在世界杯举行期间，蔡思贝说：“唔知，等佢哋公布，所有嘢都系整定嘅，上嘅时候就系最好嘅时机。”

另外，王灏儿（JW）男朋友王至尊亦有出席活动，当记者问大会公关能否安排王至尊接受访问，公关即表示王至尊不会回答有关感情问题。