邵音音与黄夏蕙齐齐出席有线《HOY AI天气预报》记者会，这个天气报告节目会以AI重现两人18岁全盛时期靓样的形象来报告天气。对此，邵音音说：“好开心，有工做有钱收又新潮。初初好伤心AI代替咗我哋电影工作者，幕前后所有人都好伤心，后来知道咗原来依然有工作机会，生活安定有工做，仲可以有最靓嘅镜头见观众。”黄夏蕙说：“我今年92岁喇，可以睇返自己18岁出道时个样好开心，我自已都唔记得咗自己咩样，造型不嬲都系咁靓，系个样唔系咁靓。”邵音音就不停狂赞夏蕙姨后生时真的好靓，甚至靓到要讲粗口那种。问到该节目日后是否会加入其他巨星？邵音音说：“知道公司有名单，唔讲住，惊人哋唔睇我哋两个。我哋得意吖嘛，咁老都整得返18岁出嚟，想大家睇得开心。”

邵音音坦言娱圈欺凌是潜规则

提到近日爆出TVB有欺凌事件，问到邵音音她入行以来可曾被欺凌？邵音音说：“唔知你讲欺凌欺到咩程度，你觉得我哋个样会唔会畀人欺凌？畀人欺凌变成依家咁样？我哋𠮶个时代无欺凌，欺凌系潜规则嚟，点会无吖。如果讲出嚟咪无工开，唔敢讲嘅。但系我哋细个好可爱，靓到不得了，唔会畀人欺凌。女明星会唔抵得我哋咁靓，所以唱衰我哋。”黄夏蕙说：“我唔会畀人欺凌，但系有好多人耻笑我，话我殡仪之星，又话我想出位，不过我做事对得住自己良心。”

邵音音即说：“你咁靓又系保良局主持夫人边个敢恰你。”问到可曾试过被导演唔敢咸猪手？邵音音说：“唔会㗎，大家都惊无咗份工。（简慕华话试过畀男演员咸猪手。）唔识，唔出名未听过，依家系讲我哋两个，唔讲其他人。”

黄夏蕙直言与李泳汉李泳豪很少见

另外提到李家鼎（鼎爷）日前宣布与大仔李泳汉脱离父子关系，问到身为李泳汉与李泳豪契妈的黄夏蕙知否此事？邵音音即抢着说：“日日都系问黄夏蕙佢哋屋企嘅嘢，以为佢系代言人。关系好嘅就唔会离婚，人哋家事屋企事关我哋乜事，唔好一直出呢啲负面新闻。”黄夏蕙就表示：“佢哋系我契仔，但系我哋好少见。”邵音音即说：“其实佢哋都唔系好熟㗎。”