麦美恩（Mayanne）昨日（12日）与吴若希、森美等人出席好友丁子朗的画展活动，她接受传媒访问时提到早前为“修哥”胡枫演唱会担任司仪的难忘点滴。外界盛赞Mayanne转数快兼“拯救”修哥，她谦虚地把功劳归功于幕后团队，邋大赞这场长达5小时演唱会同是一项“世界纪录”，坦言能够参与其中感到无比自豪！

全靠团队合作 最大心愿系修哥平安

提到演唱会当晚的情况，Mayanne直言非常感恩得到大家的信任。佢强调今次绝对是团队嘅功劳：“其实𠮶个系团体嘅合作，因为我全程戴住耳机，好多指示同埋现场嘅嘢都系大家帮手。”Mayanne表示，无论台前幕后，所有人最大的心愿就是确保修哥可以平平安安、健健康康顺利地完成演出。

见证95岁修哥开骚：香港人做大Show真系好优秀

修哥以极高龄开红馆骚，Mayanne对此感到极度震撼，认为这绝对是史无前例：“因为MC好处就系我哋有同panel沟通，我全程唯一一个系戴住earmon，有啲咩突发嘢其实我系可以随时冲出去。但系好在全部嘅嘉宾都好精灵，同埋啲指示好清晰，咁所以我去到后台有啲update，突然间又有啲神秘嘉宾，譬如Eason出嚟，跟住华仔出嚟，我系好last minute先知。因为佢哋守得好秘密，但系我作为MC我系要知，所以呢个show对于香港人嚟讲都系一个世界纪录！因为冇人会有经验点样做一个95岁嘅前辈嘅show，所以我就见到香港人做大show真系优秀嘅！”Mayanne还激赞修哥魄力惊人，成个骚长达5小时的演唱会都应付自如。Mayanne补充话：“我都好Proud of可以参与！”足见佢对这位大前辈及整个制作团队的敬佩之情。