前《香港先生》马俊杰今日（13/6）现身观塘，参与HOY 首个大型选秀节目《我要做主播》的海选面试。近年较少在主流电视台露面的他，在接受《香港01》访问时大方谈及自己当初决定离开无线电视的背后原因，更首度吐露在旧公司发展时的心酸与迷茫。

效力8年收入锐减 坦言前路迷茫

马俊杰透露，自己与TVB的合约其实早前已经届满，双方并未续约，至今已离开旧公司两年多。他坦言，决定离开是因为在旧公司看不见明确的工作前景：“合约其实系到咗期，同埋都未见到公司有啲咩可以安排到……我未见到一个好好、明确工作嘅前景。我喺TVB都差唔多8年，有一段时间工作量系多嘅，但之后慢慢就越来越少。”

他表示，自己在TVB时原本有主持节目，当时收入相对稳定，但后来被调离节目组，工作变成只剩下拍剧。然而，在没有剧拍的日子里，基本上是完全没有收入，令他生活大受影响：“当时心情好迷茫，唔知做咩。一来啦，你收入会越来越少。我以前做节目嘅时候，就会有月薪或者等等嘅嘢，就会稳定少少，但你无咗跳出咗节目，你得返剧集嘅，你无剧集去拍，其实就无钱㗎喇。生活上会遇到问题，同埋佢哋啲戏越来越少，节目又无揾我继续做，我就担心我自己……如果继续签落去都系无嘢做嘅，我就担心做唔到呢行其他嘢，只系喺度等，所以就要抽离、离开呢间公司，试吓其他嘢。”

他更透露，曾试过向公司反映，指自己一个月只拍一至两集剧集，根本“生活唔到、食饭都未必够”，虽然公司当时安抚他“有工作就会安排”，但由于难以预算实际的工作量和收入，加上公司在续约时只保证每年得6个Show最终令他决心离巢。

忆述曾遭幕后人员“欺凌”　借位对戏遭粗暴喝骂

在TVB效力8年期间，马俊杰坦言也曾遭遇过不快对待。他忆述有一次在拍剧现场，自己出于好意留在场为工作人员和对手“借位”对戏，却换来幕后工作人员极其难听的喝骂：“试过有次喺幕后……好似对位啦，我拍完、讲完我嘅嘢喇，我就拍完斋企喺度，因为要借个位畀佢（对手）对戏。佢讲啦，我就借膊头或者借咩啦，点知另一个幕后工作人员大声话：‘喂，你做咩企喺度啊？叫你行X开呀！企喺度做乜X嘢呀？阻住晒！’”

马俊杰当时感到非常委屈和不解，他认为自己只是想帮忙对戏，提供眼神交流，即使不需要他留在现场，对方也大可以礼貌地请他离开，而不是用这种令人难受的态度：“我心谂，我谂住借个视线畀佢，我系可行开，但我借畀佢，咁都有问题咩？佢叫我行开，话：‘企喺度做乜X嘢，无嘢做就返去休息室啦。’我觉得有啲说话好难听。其实可以好礼貌咁讲‘唔好意思啊，休息吓，未到你’或者‘行一行开’，唔需要讲难听嘅说话。我觉得大家都系工作，最紧要大家都希望做到最好嘅制作畀人睇，唔好影响到人之后嘅发挥。”

保持热诚寻求突破　现身《我要做主播》挑战自我

虽然经历过低潮与不快，但马俊杰强调自己依然非常热爱演艺行业，尤其是当演员拍戏。在离开TVB后，他透过教健身和教滑雪来维持生计及稳定收入，但心中从未放弃幕前梦想。

对于今次现身HOY 参加《我要做主播》海选，他表示：“我都好挂住呢行嘅工作，我最钟意就系拍戏、做演员。我见到有《我要做主播》呢个面试，虽然唔系我原本嘅范畴之内，但我希望可以试吓、挑战吓自己，同埋去另一个公司睇吓环境。”