前无线电视人气新闻女主播方健仪，今日（13/6）现身观塘为HOY 首个大型选秀节目《我要做主播》担任海选评判，亲自逐一审视参赛者的表现，并以过来人身份给予宝贵意见。方健仪接受《香港01》访问时大谈当年自己在无线担任记者与主播生涯中的辛酸史。被问到在采访生涯中，有没有遇过被上司或前辈“轰炸”的难忘经历？方健仪随即笑言，自己幸运地较少遇到老总“诈型”，但就透露过往曾被一位编辑在公开场合当众训斥，令她至今记忆犹新。

大堂遭痛斥“接近侮辱”

方健仪回忆道：“其实业内人士全部都知嘅，亦都因为𠮶位编辑，促成咗我呢段婚姻。因为𠮶位编辑，佢喺大堂𠮶度，真系话我‘无新闻触觉、无判决力。𠮶吓其实系好伤嘅，因为我都呈现到、做到𠮶啲嘅功课或者新闻制作，但系被佢咁讲，同埋系大家都听到𠮶吓呢……𠮶个对于我嚟讲，其实系一个伤害。”

痛哭之际“英雄救美”

虽然当时感到自尊心受创，但事过境迁，方健仪直言现在反而很感激对方：“依家谂返都几多谢佢，因为呢个系一个好好嘅训练，令到你面皮要厚。我之所以话促成咗段婚姻，就系因为佢闹完我之后，我就好唔开心啦，见到我老公呢，我就喺……同佢食饭嘅时候，喺架车度同佢倾偈，我就喊。就系喊紧嘅时候呢，佢就捉住我只手话：‘唔好喊啦，无论如何我都会支持你嘅！’”

婚宴无请“恩人”：佢唔会系交心朋友

方健仪笑称，没想到因为这次被骂，反而意外让当时仍是男友的老公成功“英雄救美”，夺得美人归：“所以我哋结婚嘅时候，都有多谢呢位编辑，哈哈！”不过被问到当天婚宴是否有邀请对方出席，方健仪则大笑著表示：“无啦！梗系无啦！其实我都唔系同佢好交心嘅朋友。你想想，如果系交心嘅朋友，佢就唔会咁样喺大堂度，咁样去话我接近系侮辱嘅阶段啦。”

方健仪坦言，当时自己还算年轻，EQ（情绪商数）和面皮都比较薄，面对这种场面确实有些不知所措。不过她认为这些都是台前幕后工作人员的必经之路：“去到依家，哈哈，我已经百毒不侵啦！都系一种磨练嚟嘅。系呀，所以做记者、做主播、做演员或者做主持都好，都系要经历呢啲磨练嘅。”