陈启泰今日（13/6）现身观塘为HOY首个大型选秀节目《我要做主播》海选担任评判。作为殿堂级主持，陈启泰在海选现场对每一位参赛者的表现都看得十分仔细，他直言主持与主播的基本功非常重要，除了口齿伶俐，更考验临场应变能力。他希望透过这个节目，为有志投身媒体行业的年轻人提供机会，同时自己也能借此更新思维。

大谈化身“港铁站务员”趣事连篇

早前网上流传陈启泰身穿港铁职员制服在车站执勤的照片，引来全网热议，网民纷纷笑问入闸前“使唔使动用锦囊”。陈启泰在接受《香港01》访问时，大方谈及这次贴地的拍摄体验，更爆出不少令人啼笑非遗的趣事。

陈启泰透露，虽然当天穿上整齐制服，但其实大部分市民都认不出他：“其实呢，个体验真系好正。因为真系有啲人，见你著住职员制服，就冲过嚟问你嘢，唔理你系边个，好多人都唔认得。百分之七十都唔认得我嘅，不过有啲呢，就会认得。”他随即分享了一个令他哭笑不得的市民提问：“有个女性朋友仔喺大围站问我：‘我喺大围站，里面有厕所，不过要入闸嘅。我可唔可以拍长者卡入去，去完厕所之后拍返出嚟，咁样系咪唔使钱呀？’我当时真系答佢唔到，我唯有话：‘我叫个同事帮你啦！’”

被真港铁员工误当“自己人”

除了市民认不出，就连港铁的员工也产生了误会，甚至走过来向他请教业务：“仲有一个好笑嘅，就系有个同事，一个都系港铁嘅同事，行过嚟同我讲：‘阿同事呀，你识唔识换飞呀？’佢以为我真系佢同事呀！咁我同佢讲，我话：‘同事，其实呢，我唔识嘅，我喺度拍紧嘢。’佢就望一望我，跟住就：‘哦！’咁就走咗去，真系好搞笑！”

被问到有没有其他街坊前来询问，他笑言“海量”：“好多！好多好多！好多直情系问完，都认唔到我。有几个我都答到嘅，好似去边个号码月台、点样去何文田，因为我见到个指示牌。即系百分之百识𠮶啲，我咪答啰，有啲唔系好sure嘅，就费事带错人行错路，就揾个真同事帮手。”

体会前线员工辛劳　未来将在港铁“献声”

这次短暂的体验让陈启泰对前线铁路员工由衷佩服，感叹这份工作绝不容易：“𠮶日体验好多，因为我只不过系做咗一个几钟，但就感受到佢哋。第一，有好多月台系冇冷气嘅，好似东铁线咁，好辛苦，日晒雨淋。二来呢，又要面对一啲好奇特、好无厘头嘅问题，佢哋真系好熟，问咩都识答！哗，我做咗一个几钟我都觉得好辛苦，最惨系有时仲要面对一啲投诉，虽然𠮶日就冇人投诉我，哈哈。”

最后，陈启泰还向大家预告了一个惊喜。他透露，市民以后搭港铁时，将会有机会听到他的声音：“想提醒定大家，之后呢，我喺港铁都会有我把声音出现。例如有黄雨暴雨警告嘅时候，就会播我把声，叫大家：‘黄雨嘅时候，搭车小心啲呀’等等。希望可以更加入屋、更加亲切啦！”