早前夏雨被Youtuber 刘定坚翻旧帐，指他当年与女演员高妙思拍接吻戏伸脷，日前（6月13日）夏雨为旧拍档米雪演唱会担任嘉宾，但就不接受访问。演唱会台上，米雪、夏雨和阮兆祥就讲了一则雅俗兼备的有味笑话，令在场观众都听得相当开心。

夏雨家宅有“特别”称呼

阮兆祥：“米雪姐都提供过一个笑话，系关于夏雨屋企。”米雪：“系呀，系呀。我有好多外地嚟嘅朋友都话要去夏雨屋企门口打卡，我话咁怪嘅，有日拍节目要去夏雨屋企打卡影相。”阮兆祥：“点解呢？”米雪：“大家都知，形容一间屋，一个屋苑应该用啲咩？”阮兆祥：“楼啦⋯⋯”米雪：“楼、室、苑、阁、乜都有。咁夏生，夏雨，用个夏字、要配啲咩？”阮兆祥：“夏楼⋯⋯（音同：下流）夏楼唔好听。”

唔用“夏”改用“雨”字 背后原因令全场爆笑

米雪：“咁所以夏阁又唔得，夏室又唔得，所以要用个雨字。”阮兆祥：“终于夏生你选择用咩称号？”夏雨：“雨房啰。”全场掀起了一阵笑声。夏雨：“从此之后，个个地产都带人去睇雨房。”阮兆祥：“咁你就唔啱啦，你应该买两间，一左一右。你得一间就变咗⋯⋯哈哈哈。”夏雨：“我间屋两个门㗎。”阮兆祥：“前后门。”