无线与优酷联合出品的新剧《模范律师团》今日于深圳进行开机仪式，剧中两大主角罗嘉良与杨茜尧齐齐接受访问。问到两人在剧中是什么关系？两人都大卖关子不肯透露，罗嘉良表示：“佳哥（钟树佳）唔讲，我哋都唔敢讲，只可以讲师徒关系，系有经历嘅师徒关系。（事隔10年再返嚟TVB拍剧？）好开心见返啲旧朋友，多谢佳哥揾我拍呢套剧，收到剧本睇个故事同角色觉得好震撼，可以咁嘅，好复杂。自己钟意演啲无演过同难嘅角色。我等佳哥揾我等咗2年，等佢写完个剧本。（你哋有无畀意见？）佢写好会畀我哋睇，会同我哋倾。”

两人剧中演师徙关系

杨茜尧表示这次的对白很多：“几版纸对白，不过唔得咪NG。今次套剧挑战每个人嘅身份地位背景，都会出现啲好大嘅转变同反差。”罗嘉良说：“我同3个女角都有关系，仲系好大件事𠮶只。”杨茜尧为了剧中角色特地剪短头发，她说：“剪咗短发系大家商量嘅，想有新转变，剪晒啲烦恼丝，重新出发。（有无感情线同亲热戏？）我哋咁专业，呢啲唔会攞出嚟。”罗嘉良就说：“问得好好，我都想知。”提到早前拍完的新剧《玫瑰战争》仍未播映，杨茜尧表示：“好快上㗎喇。（会唔会再次冲击视后？）呢啲唔到我话事。”

问到有传《新闻女王》原本是有杨茜尧份参演，对此她说：“传闻嘅嘢唔回答，我都唔知。”另外有指内地综艺节目《乘风破浪》系列曾经邀约过杨茜尧参加，她说：“系嘅，不过我唔识游水，破唔到浪，自己唔系好唱得，留返做识做嘅嘢。”