孔德贤今日于深圳出席无线与优酷联合出品的新剧《模范律师团》开机仪式。问到他最近考了很多牌，孔德贤说：“系呀，我考咗地盘安全绿卡，同埋10个车牌。因为我拍紧一个关于地盘嘅节目，嚟紧我仲想考健身教练牌同埋潜水牌，继续增值自己，唔系为咗日后要转行铺路，我想一直可以做演员呢个工作。自己系建筑工程系毕业，有呢个学历背景，所以𠮶个地盘节目会揾我。当初拣呢科嚟读系觉得香港楼市同基建好有前景，一定会有工开，我好现实嘅。”

曾经大花筒已学会储蓄

孔德贤澄清他考那么多牌并非因为穷而要去做兼职或转行，他说：“学习无止境，纯粹系想学多啲嘢，幻想自己系Tom Cruise。（咁要揸飞机？）系呀，我好想考直升机牌，但系要几十万，会以呢个为目标。（你嘅财政状况如何？）咁梗系想揾更加多嘅钱，想回馈屋企人，都想买楼，想有自己空间，同我只狗狗一齐住。（有无试过穷？最穷系点样？）有，我唔想同人比较，唔讲户口剩几多钱，都试过拮据，个户口数字系难过嘅，财政压力人人都有。（系几时嘅事？）𠮶时已经做紧艺人，唔识理财，会去旅行去欧洲，使咗先算，同朋友去玩、食饭、买相机。依家识得储钱，会储好多，每个月储超过一半人工。自己有买股票做稳定嘅增长，因为现金会贬值。我平日生活都好节俭，好少出街食饭，同埋唔舍得买嘢，赚钱真系好辛苦，加上依家市道唔好。”