JW王灏儿于2024年宣布跟拍拖6年的前卓悦太子爷叶韦彤（Tarzan）分手，由于男方在分手前一年被法院颁令破产，因此令JW被外界标上“大难临头各自飞”、“只能共富贵，不能共患难”等标签。近日JW接受多个网上媒体访问，首揭露分手真相，指因为发现对方“做咗啲对唔住我嘅事”而离开，而她在“SpotiTalk”的《缅甸堂》访问中，剖白为何硬食“拜金女”标签两年，不为自己辩解，原来是因为体恤对方的家庭当时正经历巨变，但发现一直以来冇人帮自己发声，觉得很不公平：“Who stood up for me？冇人去帮我，冇人去讲过个truth出嚟㖞，就算做咗件事𠮶个人都冇去讲返个truth出嚟，你由得啲人咁样话我，but it wasn’t me！ ”、“我系愿意同你一齐𠮶个人，但系你系betray咗我𠮶个！”

曾相信真相会自动浮面 哑忍两年免愈描愈黑

主持人笔华棋先问JW被指是忘恩负义和拜金有什么感受，JW坦言最初见到这些评论，都觉得自己知真相就算，因为以前年代，艺人都会觉得不要回应太多，她以为真相迟早会浮现，也费事愈描愈黑，但她经历过两年沉淀，渐渐觉得时代已变了，她有权为自己辩解。JW在节目上挣扎了一会，坦言非常委屈和不开心：“我觉得……你完全唔知道发生啲咩事，你哋就去讲呢啲嘢，其实系发生咩事呢？Shall I just say it？点解我咁多年……唔系咁多年啦，呢两年啦由我讲咗（分手）到而家一路都冇讲呢，其实𠮶阵时系……哗，好紧张呀我！”

自爆爱食叉烧饭不靠男人钱 曾出歌力撑破产男友却真心换绝情

之后她先平反拜金指控，再慢慢道出真相：“𠮶阵时其实当我个ex，当大众知道佢将要面临一啲嘢嘅时候，其实我已经知咗一阵，呢啲嘢你已经系会知一阵，it’s not like大家𠮶日知，我都系𠮶日先知，通常你已经知咗一阵，and to me，其实对我冇乜大影响点解？ cause我都仲做紧嘢，我从来又唔系靠佢啲钱，我又唔系话要啲咩，我又唔系话我要买袋或者去边度，我唔系要使佢啲钱，我平时都系食叉烧饭，钟意食菠萝包，我系咁样㗎咋嘛。”

在叶韦彤宣布破产后，JW还推出了一首叫《陪你》的歌送给男友，希望对方知道无论发生何事，自己都会一直陪伴，而最终却是真心换绝情：“首歌系想讲whatever happens，I am still there. 你估咁容易嘅咩？写𠮶首歌出嚟，唱𠮶首歌出嚟，系真系我真心觉得有啲咩事我都会喺度㗎嘛，系咪？但系点解有乜嘢moment令到我觉得我要走呢？就系因为我发现咗佢做咗啲对我唔住嘅嘢啰！当我发现咗呢啲嘢嘅时候，我会觉得，我愿意陪你㖞，你发生咩事我都愿意陪你，但系喺咁样嘅时候反而你betray咗我㖞！”

顾及前度家人一直封口：做咗件事𠮶个人都由得啲人咁样话我

笔华棋续问背叛件事是否在男友出事那时候发生，JW说：“之后啰，后面啰，所以我就觉得…… I have to leave you, right? 所以当我上网见到啲人写𠮶啲咩唔愿意共咩苦，唔系我唔肯共患难，唔系我唔同甘共苦㖞，而家系……佢cheat㖞！”她哑忍和硬食这些标签两年，其实是因为顾及到对方与家人都正经历破产等事情，觉得想保护对方和家人：“咁耐以来，点解我𠮶阵时唔讲，系因为我觉得因为佢哋都going through something（经历紧啲事），佢哋个family都going through something，我觉得如果我身为朋友又好咩都好，我做最后一样可以为你做嘅嘢，就系我唔讲你做咗啲乜嘢，所有啲comment我食咗佢啦，是但啦，doesn’t matter，我都惯咗，我𠮶排系觉得咁样啰。但系过咗咁耐，一年啦两年啦，我上网都仲系见到呢啲comments 嘅时候，who stood up for me? （边个为我发声）系咪？冇人去帮我，冇人去讲过个truth出嚟㖞，就算做咗件事𠮶个人都冇去讲返个truth出嚟，你由得啲人咁样话我，but it wasn’t me! ”

痛斥网络风气：永远个女仔就系鸡

主持指男方很难站出来说些什么，JW就表示：“我都冇话要expect佢讲啲咩，但系我觉得，好喇，到而家呢一个moment，冇人defend我嘅时候，我系咪可以讲句truth出嚟呢？因为我呢两年真系所有人讲嘅呢啲comment，我真系就咁I just took it, I just took it. （我受咗佢啦。）”当问到是否很不开心，JW直指大感委屈，因为她明明是愿意跟对方一起，却惨遭背叛，强调自己没有背叛前男友，是男方背叛自己，结果所有矛头却全指住JW，她觉得太不公平了，于是不算再“由得佢”或逃避，决定要讲出真相。笔华棋又指，有网民可能自己是这种人，就假设JW都是这种人，JW就用一句话讲出网络上的风气：“永远个女仔就系鸡！”

笔华棋力证绝不拜金曾贴钱帮前度：唔系好识拣男朋友

不过，JW到最后仍表示自己冇讲过对方是坏人，纯粹是她接受不了背叛，因而决定离开：“I am not saying he is a bad person, 佢都系好人嚟㗎，男人我明白会有犯呢啲错啦，但系当我系个受害者嘅时候，我就make咗呢个decision，I am not saying he is a bad person. ”笔华棋与JW相识多年，他指JW曾跟连开饭交租都有问题的男生交往，怎可能是拜金？之后更爆出她过往跟其他男友拍拖时发生的事，以力证JW人品，第一次是JW买了对鞋给当时男友，结果不合穿，JW于是问笔华棋会不会“接受”，笔华棋指自己当时心想：“你送𠮶对鞋，唔啱size，仲要女朋友帮你咁样搞埋？”而第二件事是JW入行后，仍帮男友的College party“散飞”，四出叫身边好友买飞支持，于是他心想：“呢个女仔差极有个谱，难听啲讲唔系好识拣男朋友。”JW只淡淡然说：“我谂我好忍得啰，我系一个好忍得嘅人，同埋我会想大家都好啰。”