胡子贝、柯雨霏难掩激动担任修哥嘉宾：佢会take care台上所有人
歌手胡子贝及柯雨霏昨日（14日）与冯熙燮合体出席活动，一出场就吸引到大批粉丝支持！胡子贝及柯雨霏接受《香港01》访问时，率先大派福利，柯雨霏预告即将会推出一首全新的慢歌。她还笑言是一首“好惨嘅一首歌”，而且曲风跟香港最近的天气有关，相信一班粉丝一定会充满惊喜。
荣幸担任修哥演唱会嘉宾
说到近期最难忘的经历，一定是他们三人早前为大前辈胡枫（修哥）的演唱会担任表演嘉宾！讲到当天踏上红馆，胡子贝跟柯雨霏依然掩饰不到内心的激动，直言觉得“好兴奋、好荣幸、好激动”。
原来当晚他们还肩负重任，负责演绎开场部份，需要炒热全场气氛。柯雨霏表示：“系我哋嘅荣幸，见到咁多前辈同咁多前辈同台，𠮶日真系对我哋嚟讲好难忘。”胡子贝则觉得虽然是第一次登上红馆会有点压力：“我觉得适当嘅压力都系动力嚟㗎，所以就觉得咁多观众反而系比较兴奋多啲嘅。我哋一定系好respect呢个舞台，所以我哋都有好刻苦嘅练习，所以我谂都可以因为练习比较多，所以我哋上系嘅时候，我谂我哋三个都好relax。反而都系期待多啲，都想show多啲畀大家睇，反而就唔系好惊，因为其实你如果太惊嘅话你都做唔到，即系你自己都Performance得唔好。”
修哥亲自提点走位超暖心
修哥在圈中一向出名德高望重兼亲和力十足，胡子贝及柯雨霏都大赞修哥真的超级照顾后辈。柯雨霏及胡子贝感动的说：“修哥完全冇令到我哋有呢方面嘅忧虑，我觉得佢精神比我哋都好，修哥跳得好过我哋！我哋要跟住佢嘅步伐，佢仲会喺台度可能cue下我哋，佢仲会帮我哋，所以未轮到我哋嘅担心，佢会take care台上所有人。”
胡子贝及柯雨霏都说在修哥身上学到不少
看到修哥敬业乐业，胡子贝及柯雨霏都说在修哥身上学到不少，能够与多位前辈同台演出，对他们来说绝是一次超宝贵嘅经验：“修哥唱著唱著可能望下呢边，跟住又望下𠮶边，叫我哋再企埋啲。跟住又成日都话多谢我哋出席佢嘅演唱会，但系其实系我哋可得可能有呢个机会，所以修哥真系照顾得我哋好好。”