歌手冯熙燮昨日（14日）与胡子贝及柯雨霏合体出席活动，三人各自为现场的粉丝带来了三首歌曲，他更为粉丝送上小惊奇。冯熙燮接受《香港01》访问时更表示成功：“我好钟意畀惊喜我啲歌迷或者系一啲出其不意嘅嘢，咁我就觉得大家应该冇期望过我会唱呢只歌，咁所以我就rehearsal特登唔唱，咁就真系去到表演嘅时候先唱。”对于即将会举行7小时的见面会，他笑指不是唱足7小时，而是已经预留时间跟粉丝一对一的面谈：“我可以同每一位‘宗亲’都真系有一段时间去倾下计，有啲名我记得嘅！但系佢哋嘅生活其实我系完全唔知嘅，咁我好希望可以用呢个机会大家可以倾下计啦。”至于被问到见面会会唱什么歌时，他表示要保持神秘，只透露了会唱《用背脊唱情歌》。

冯熙燮亦有幸踏上红馆舞台

早前胡枫（修哥）举行红馆演唱会，全城星光熠熠，《声秀》的一班后辈都有份参与这场盛事。冯熙燮亦有幸踏上红馆舞台，他回想起当晚的情景依然相当兴奋：“因为从来都未有呢次嘅经验，所以背后嘅功夫都的确系落得比较多。咁同埋歌词都真系用尽100%嘅心机去背好佢，咁就希望喺呢个台上面，系可以用到真系最自如嘅我去表演畀大家睇。因为有呢一个机会实在太难得啦，出道半年，修哥都咁信任我哋，所以我多谢修哥。”

四个钟大骚唱第一句：上到红馆完全冇紧张！

说到有份参与修哥嘅演唱会，冯熙燮直言感觉“非常、非常、非常开心”。他一开始以为自己会好紧张，怎料上到台反而好放松：“我第一只歌嘅时候系Monica，我系冇理到我耳仔，我把声劲大声，但系我完全冇理，我系将我嘅热情能量放晒出嚟比大家。”虽然今次演唱会长达5小时，他们还是第一组出场，负责唱第一句，对他们来说真的是一个极大的肯定。

叹修哥魄力惊人

作为新人，冯熙燮对修哥的魄力佩服得五体投地，大赞对方超级亲民：“其实修哥照顾我哋嘅位系好多啊，因为我好肯定修哥，未必对我哋好熟悉。因为始终我哋真系太新啦，但系每一次我哋同修哥去打招呼嘅时候，佢都系用佢最亲切嘅笑容对我哋。”但最令佢震撼的，是修哥的体力：“修哥好精灵啊！因为其实落台之后，大家系真系去餐厅先，因为都想畀修哥休息一阵。咁但系佢好犀利！佢真系休息大概三四个字，佢返到嚟又有新嘅一样咁样！真系好犀利，尤其系带妆啦，佢又要换几次衫啦，又坐又企啦，其实都几大工程。但系我反而系最佩服修哥，当晚虽然大家可能觉得佢体力上有啲累啦，但系其实佢喺话语上，系完全冇跌过watt。”