《东张西望》昨日（6月14日）报道，“下饭阿姐”陈太为一名伯伯下饭，最后更取得伯伯名下物业。今日（15日）一集播出陈太与姨甥孙对质片段，火药味十分浓厚！

姨甥孙怒轰无情 街坊揭“照顾者”不止一人

姨甥孙：“佢死𠮶日都冇嚟过，出殡叫佢嚟送最后一程，佢都话佢唔得闲。你凭咩攞人哋间屋。”《东张西望》访问两位坪洲居民，都表示有见过及得知伯伯有一名“姐姐”照顾，有人表示，邻居互相帮助是平常事，亦不止陈太一个帮过伯伯。

上集：东张西望｜下饭阿姐送到谋咗人层楼？　姨甥孙揭发：我觉得好卑鄙

伯伯误信口头承诺交出物业？ 坚守爱妻遗愿拒反口

《东张西望》访问事件中的伯伯，对于将居所送邻居陈太，伯伯说：“人生都唔知仲有冇两年命，冇人知㗎。（如果有呢？）上天知。到时真系冇钱，佢可能畀钱家用，照顾我终老。（佢有冇应承？）而家未系时候。到我山穷水尽时候，佢负责姐姐睇住我。婆婆有咩事我做足啦，将来有咩事我心甘情愿。”《东张西望》片中，表示伯伯坚持遵从婆婆遗愿，将居所赠与陈太，不会背信弃义，并表示不会取回居所。不过，伯伯表示，居所会在离世时赠与陈太，而不是在生时给她。

陈太发难企图“封口” 避答主持尖锐提问

其后，《东张西望》揾陈太对质，陈太与摄制队到伯伯居所。陈太两次问伯伯：“你系咪叫我唔使理呢件事？”伯伯两次都以：“吓？”回复。之后陈太又补充：“系呀嘛？啲嘢你会完全解决晒。你都同你个孙讲，叫佢唔好咁多事。”转向《东张西望》李旻芳说：“咁我做乜要同你哋交代。”

李旻芳连环穷追猛打！陈太死撑：唔会承诺照顾

李旻芳直击重点：“你系咪承诺会照顾伯伯？到佢山穷水尽嘅时候。”陈太反言：“嗱，承诺，呢个字我唔会讲到咁实在。”李旻芳：“但系伯伯好实在，畀咗层楼你，你话承诺呢两个字唔讲得？”陈太：“佢由始至终冇同我讲过金钱上有咩问题，所有嘢都系我同佢之间嘅商量，乜都好。你叫我喺镜头面前承诺咁多嘢，你有冇畀钱？”李旻芳：“你会唔会愿意俾工人费？”陈太：“睇吓到时咩情况，工人费真系唔平。我唔需要同你解释任何嘢。如果佢真系好穷，或者要工人费𠮶啲嘢，我唔会一下子答应。”陈太对伯伯（吴生）说：“我𠮶阵时同你讲，真系嘅，吴生，你一定可以住到百年归老。”陈太对李旻芳说：“律师都同我讲，层楼送咗畀你就真系送咗俾你。”

攞人层楼声称“心安理得” 疑玩捉字虱拒付聘请家佣

李旻芳问陈太：“层楼你收得开唔开心？”陈太：“唔系开唔开心嘅问题。”李旻芳：“安唔安心？”陈太：“我收得好安心。（心安理得？）梗系。”陈太指伯伯未向她表示需要帮助。李旻芳又问，伯伯是否需要聘请家佣照顾，伯伯回答：“梗系要。”陈太：“系咪想要工人？”伯伯回答：“需要就帮。”李旻芳：“佢咪讲咗需要，而家你畀唔畀？”陈太并无回答，又转而反问伯伯：“你而家冇钱啦咩？”三方不断争论也没有结果。及后，伯伯说：“佢对我好，又会照顾我终老。”伯伯的姨甥孙说：“你承诺照顾佢终老。”陈太：“我承诺畀佢住到终老。”李旻芳：“但系层楼佢㗎㖞。”

谎称契约已加注“住到终老” 大律师查文件直接拆穿

陈太“解释”：“律师楼都话过，佢送层楼畀我，5年之后我可以处理层楼。当年我喺后面仲加咗句，吴生可以住到终老，但系你记得，呢句系我加上去。”陆伟雄大律师翻睇契约，表示送契上没有加上让伯伯住到终老和照顾伯伯终老这些条文。

李旻芳问伯伯：“伯伯，最后问多一次，你想唔想有工人照顾？”伯伯：“梗系想啦。冇人照顾我点得呀。”李旻芳问：“工人啲钱边度嚟？”伯伯：“咁又冇谂咁长远。希望我生穷水尽嘅时候，佢睇住我。”陈太：“问心𠮶句，佢啲存折有冇畀我睇过？冇呀嘛。”