《2026香港小姐竞选》已进入白热化阶段，终极12位入围佳丽今日（16/6）齐齐现身发型屋，进行大会安排的终极“发型大改造”！一众佳丽换上全新造型后均显得神采飞扬。其中三位热门佳丽李泽欣、吴倬希及袁丝珩在变发后接受《香港01》访问，大方分享她们对新发型的看法，更首度披露早前泳装面试时的紧张心情与爆笑点滴。

李泽欣对自己的新造型感到相当满意，她笑言：“我个人首先就系剪咗啲层次啦，同埋整短咗头发嘅。发型师话我头发本身就系比较幼细啲嘅，所以帮我剪多啲层次呢，会令我蓬松啲同埋清爽啲喇。”吴倬希则表示自己除了修剪之外，更注重头发的健康：“我呢就系都系剪咗啲层次，同埋我整咗个treatment。我个发型师都话我嘅头发比较少啲啦，同埋都系比较干，所以做返个treatment会好啲啰，依家就觉得健康啲啰。”袁丝珩则改变了发色，她表示：““我剪短咗少少啦，同埋染咗深啡色，本身系浅色啲嘅。”

首战泳装面试心情紧张

随著选美赛事正式展开，一众佳丽早前也经历了紧张的泳装面试。吴倬希首度穿上比基尼在众人面前应试，坦言当时既紧张又发生了搞笑小插曲。她笑称自己当时被评判问到懂不懂唱吴卓羲的经典名曲《别怪他》：“我觉得佢哋问咗我识唔识唱《别怪他》啦，咁其实我识嘅，但是就少少紧张，所以上次就唱唔出嚟啦。咁希望呢几个月之间，仲俾多啲机会我，可以唱俾大家听啦！”

相比之下，李泽欣则将泳装面试视为突破自己的挑战。虽然她自认身材不够完美，加上身高163公分 在佳丽中不算高，穿上高跟鞋更显得有难度：“因为我是第一次著比坚尼啊，所以系一个好大嘅挑战啦，同埋仲要直播喇。我对自己身材唔系话非常之有信心嘅，但系我觉得都系一个挑战自己嘅过程啰。”李泽欣又指“因为我对高踭鞋唔系好高啊，所以个比例本身就已经唔系话特别好㗎喇，仲要著到咁矮嘅高踭鞋呢就真系好显我缺点出嚟喇。咁我觉得自己都要发下力，然后之后呈现一个更好嘅自己俾大家啦。”