周家怡为《妈样年华》苦练钢管舞致骨裂 仅休息个半月即投入锻炼
周家怡主演的电影《妈样年华》近日入选“上海国际电影节展映单元”，日前她联同导演一齐出席电影节，跟内地观众见面。对于今次入围，家怡坦言十分开心，“见到观众反应好好，我同导演都好开心。最好就可以去多啲唔同嘅电影节，俾多啲人睇到我哋香港嘅作品。”
周家怡主演的电影《妈样年华》入选“上海国际电影节展映单元”。（公关提供）
为新作苦练钢管舞致骨裂
提到今次系饰演妈妈角色，家怡大笑，“其实已经唔系第一次，已经饰演咗好几年，我都谂紧系咪好快要做阿嫲，哈哈。”她指今次最大难度是要跳钢管舞（pole dance），“以前未跳过，过程几唔容易，但系好好嘅经历，有成功感。”不过练习期间家怡受伤骨裂，更要休息个半月，不过为免担误剧组，在未完全痊愈的情况下，家怡立即投入锻炼，“揾咗Personal Trainer帮我操，用晒各种方法喺最短时间build up肌肉嚟应付，虽然有压力，但几好玩。”
周佳怡为新作苦练钢管舞致骨裂。（公关提供）
香港试映妈妈观众睇到眼湿湿
谈到戏中最感动一幕，家怡谓：“首先系自己成就解锁。之前香港试映，现场有好多妈妈观众睇到眼湿湿，见到佢哋有共鸣，觉得要‘揾返自己’，我好感动。当然，有唔系妈妈嘅睇到都觉得好啱佢哋睇，因为好多时，我哋都会围绕其他人去付出，而忘记咗自己。”佢仲分享跟妈咪的难忘事，“前几年妈咪只脚行得唔好，我朝朝捉佢去跑步，带佢睇物理治疗师，跑完步带佢食嘢，等佢觉得欢乐。佢𠮶阵要揸拐杖，而家唔使啦，间唔时都会跑步。另外一次同朋友带各自爸爸妈妈去日本旅行，我哋帮佢哋拍咗只《Long Vacation》MV，前一晚仲周围张罗道具化妆品，见到各位爸爸妈妈对制作非常认真投入，好搞笑。”
大合照。（公关提供）
预告七月剧集《日落下的彩虹》出街
至于未来工作，家怡透露，“七月会有我之前拍嘅剧集《日落下的彩虹》出街，都会继续拍电影，同埋拍YouTube Channel《恨驾女团》，会继续拍关于车嘅嘢，嚟紧节目有突破，不过暂时唔讲得住。”
预告七月剧集《日落下的彩虹》出街。（公关提供）