Tyson Yoshi日前被制作公司ARTURISTIC (INTERNATIONAL) LIMITED入禀区域法院，指他及其经纪公司Just Kidding Limited（宏星娱乐）及Cart Cart Cart Limited，涉委托制作公司为其演唱会《The Villain Live in Hong Kong》设计蓝光及镭射光碟套装后，拒绝收货及付款，涉款约64万元。制作公司指Tyson Yoshi一方违约，遂向他们追讨生产及设计费用、存仓费、利息及讼费等赔偿。

被追讨64万演唱会光碟费

入禀状指，原告过往亦曾向被告提供类似的服务，如“TY - MNWO Concert Box Set”等产品的设计及制作并透露各单位于去年12月29日，以电话达成协议，同意双方在“《The Villain Live in Hong Kong》蓝光及镭射光碟套装”进行合作，制作公司负责设计及制作，而Tyson Yoshi及其经理人公司承诺会以约64.1万元，购入1000套光碟，并曾于去年7月回复同意制作公司提交的设计，同年12月确认了该制作的最终方案，至今年年初，Tyson Yoshi一方同意向制作公司订购1000件产品，制作公司亦提供了样板作预售之用。制作公司指，该批货品自今年3月起存放在货仓内，惟Tyson Yoshi一方多次拒收，其后提出中止协议并拒绝付款。制作公司因而入禀追讨生产及存仓费用，或要求法庭强制被告履行协议，并追讨有关的损失、利息及讼费等赔偿。

不过，Just Kidding Limited、Cartcartcart Limited及A Plus Music Company Limited三个单位，在6月8日晚发声明澄清多项不实指控，表示：“本公司从未与此项目设计公司签署任何形式之报价单或合约，在没有签署合约的基础下，绝不存在任何违约行为。”又称产品生产、印制及备货等行为，纯属原告人在未获得其公司正式授权、确认或签署合约的情况下，所作出之自身商业决定，故不会对该批货品及相关费用承担任何责任，并保留法律追究权利。

强调没有同意价钱

今日（16日）Tyson出席品牌与温布顿网球锦标赛香港主题限定店开幕活动，亲自回应事件，早有准备的他没转弯抹角，一开始已表示：“直奔主题！64万！咁呢，呢坛嘢就系我小无奈嘅，点解可以直奔主题呢？因为对方已经进入司法程序，我可以讲嘅其实唔系好多，但系其实我哋演唱会咁多方，咁多个party，都冇OK过𠮶个价钱，系由头到尾都冇OK过！大家谂吓，64万1,000只碟，除返匀，600几蚊成本一只，未计拍摄、剪接、Mixing，咁Mixing 20首歌，平极都万零蚊一首，𠮶度都20万on top，又要再计，入面Photobook呀，印刷成本都未计，计计埋埋我咪要成过千蚊一只成本？其实我自己觉得唔系好合理，我可以讲嘅就系咁，然后到最尾就交返俾个官。”

被问对心情可有造成困扰，他坦言其实自己这阵子都好乖，但都有麻烦找上门，Tyson说：“我都好乖㗎啦呢排，冇出声，又有坛嘢，咁嘅心情啰。以前自己特登撩皮𠮶啲就抵死，但系今次我觉得，系啰，但系都要处理。当然我都有friend话，你哋咁多个party，你咪俾钱息事宁人，我就直接同佢讲，系冇可能！有咩可能你今日攞60万，听日用同一招嚟攞600万 ？有乜可能呀？我见网上面𠮶啲Hater话你半架车都唔止，系呀，冇错，半架车都唔止，但系个道理系我唔应该俾。我冇approve过，从来冇approve过，再问埋咁多个演唱会嘅party，冇人approve过。”

Tyson透露之前曾与该制作公司合作，确实比出面的价钱为贵，但设计亦都靓：“所以之前咪冇事，但系今次去到𠮶个价钱系……都冇approve过，当然，对面律师话我哋默认，咩叫默认？”他之后停一停表示怕讲多了，但事实就是如此。制作公司称Tyson Yoshi同意了他的设计图，对此Tyson回应：“呢个要交返俾个官，因为我有权交返俾其他厂印，我买你嘅设计，你有相熟嘅厂可以使用，唔代表我一定要用你间厂㗎嘛，系咪先？同埋呢个价格，我自己会觉得⋯⋯呢个要好小心话呢啲位，要好小心，咁佢用开嘅厂，佢当然有用开嘅厂，咁啰，所以就系咁样。”此外，Tyson强调双方从未签署任何合约，重申：“冇冇冇，任何一张有我哋演唱会咁多个party任何一个负责人嘅文件都系冇。”但对方就坚持“我做咗喇㖞。”不过Tyson就无奈说：“我哋都冇approve过，点解你会开工做呢？”

Tyson指现时双方只透过律师沟通，未知何时上庭，会交由律师处理，但他估计都要等一、两年，尽管会感到困扰，但也不能不处理。他又补充：“我嘅观点觉得我哋啱，佢嘅观点又觉得佢哋啱，交俾法庭，同埋我自己觉得唔知点讲，有时我觉得，而家要好小心呀讲嘢，依啲要上庭嘅嘢就要小心，但系我觉得at the end都系律师赢，输赢都有钱赚。”

案件编号：DCCJ2920/2026