无线长寿处境剧《爱．回家之开心速递》陪伴不少观众度过无数个夜晚，惟近日有传剧集将于7月正式落幕。与此同时，有消息指新处境剧《爱．回家之三代同糖》已经秘密“埋班”并进行造型。今日（16/6）剧中灵魂人物“熊若水”吕慧仪与“高栢菲”汤盈盈现身剧集宣传活动，就剧集传出终结及个人去留问题接受访问，大谈心声。

坦言未收到正式通知 专注拍好结局

对于《开心速递》是否在7月完结，吕慧仪笑言目前仍是“传闻”，“我哋都未收到真正话原创、完结𠮶日，都系听返嚟嘅啫，我哋自己都留意紧消息。”

不过，提到新剧《三代同糖》已经开工，汤盈盈就透露早前曾目击新剧演员造型：“我哋𠮶日食Lunch嘅时候见佢哋经过，佢哋应该𠮶日造型，我哋仲同佢远远影咗相！”虽然新剧如火如荼，但两人表示目前尚未有安排加入新剧，吕慧仪解释：“我哋而家系一定未有著落住嘅，因为我哋呢度未完，所以唔可以转造型，要慢慢嚟。成个形像都唔转得，要完咗𠮶日先至再谂。”

相处10年充满不舍 盈盈自爆“惊喊”

《开心速递》台前幕后相处长达9年多至10年，面对即将到来的告别，两人都显得十分感触。吕慧仪坦言：“计埋之前开会筹备嘅时间，真系有10年。同啲同事会多咗怀念嘅时间，我哋想集中多啲心思拍好个结果。而家真系唔适宜谂之后做咩，分唔到心去谂。”

当被问到如果剧集真的完结有何打算时，汤盈盈忍不住表示：“我而家系打算忍泪，我而家唔想喊，但我感觉到之后自己系会喊。”

“我哋周身刀，唔惊失业！”

面对“失业”危机，两位资深演员尽显乐观幽默本色。吕慧仪笑言这10年的训练让她们学会了十八般武艺：“放心！我哋有呢九年几十年嘅training，个个都周身刀喇！到时可以帮手做道具、化妆。一件事归一件事，未谂到咁远，到时船到桥头自然直啦。”汤盈盈更搞笑附和：“我头先喺度批紧啲笔，谂紧嚟紧做化妆师，已经揾咗几个师傅做徒弟。我唔想离开公司啊，道具部、化妆部都可以去，睇下佢哋请唔请实习生。”

稍作休息 回归家庭陪伴子女

若然真的迎来假期，两位妈妈级演员不约而同表示想多抽时间陪伴子女。吕慧仪表示：“如果未开工，咪有时间凑下小朋友啰。其实我都想摆返多啲喺教育中心，同埋陪下小朋友放暑假。”

至于会否旅行充充电？吕慧仪笑称虽然有想过，但随即幽默抱怨现时机票与油价太贵：“而家旅行好贵啊，机票又贵，等啲油价跌返先啦！或者去长洲坐船算啦！”