早前薛家燕被地毡绊倒，整个人仆倒地上直撼块面，鼻子撞瘀，在鼻子留下小疤痕。今日（6月18日）她出席古装音乐剧《花影梦》，接受《香港01》访问分享近况。

薛家燕：个鼻我冇去整容

薛家燕：“好有心，其实我已经接到好多Whatsapp、Wechat，好多朋友问候我。我冇事呀，可能𠮶次唔小心，绊到个地毡跌到，而家冇事啦。（有睇医生？）有，冇事嘅，系个鼻瘀，损咗，但系而家都冇事。嗱，个鼻我冇去整容㗎！哈哈哈。今日咁大雨就要揾人扶住，因为天雨路滑。（会投诉？）嗱，唔使我投诉，佢贴晒胶纸啦，可能睇到你哋报道。系好事嚟嘅，唔好令其他人唔小心又绊到。”