魏嘉信参加《中年好声音》后，于2022年签约TVB，可惜2026年3月传出他离巢的消息。今日（6月19日）魏嘉信和颜志恒、罗启豪、丁文俊、李泇霖等人出席《我们都in过的第一志愿》儿童音乐剧记者招待会，他分享离巢背后的原因。

首战音乐剧嗌高难度 搞笑自爆靠小演员提点

颜志恒和魏嘉信接受《香港01》访问时，他们均表示演出音乐剧难度高。颜志恒：“一定难！因为未试过呀嘛。”每一日都演紧戏？魏嘉信表示：“返到屋企，我就系爸爸角色，返工就系返工角色。”颜志恒又笑言，可是他在音乐剧中饰演教授角色，与现实中的他分别很大。颜志恒和魏嘉信也表示，小演员比他们更有演出经验，有时候他们在彩排忘词时，反而是小演员提点他们。魏嘉信：“我就咁问小朋友，你学咗几耐，佢话唔系好耐，七年到啫。”

澄清未放弃演艺事业 兼顾律师正职为养家

谈到魏嘉信离巢TVB，他回答：“已经离开咗啦，因为我惊成日俾人误会咗一样嘢，我唔想再喺呢方面发展，做番我嘅本行就系律师。咁但其实一直我想解释我一直以嚟都系好畀心机做紧我嘅正职嘅，因为如果唔系呢，即我都要顾及我个家庭，仔细老婆嫩。咁先至可以继续去发展，继续去演出。所以我就系想澄清一样嘢，而之后我系只会继续更加畀心机去寻找机会，所以我系想继续玩仲想玩得仲激烈嘅。”

与颜志恒齐保“饭碗” 无后顾之忧尽情追梦

颜志恒和魏嘉信均表示一路以来都是一边工作一边追寻歌手梦。颜志恒透露，由比赛到现在都没有放弃过厨师工作，为的就是能无后顾之忧，尽情去演出。“我比赛𠮶时都系。到而家冇变过，都系继续做厨师。都系收工去比赛啊𠮶时，而家做𠮶啲演出都系冇停（做厨师）。”颜志恒也表示：“最紧要家庭自己个家庭，佢地食得饱着得暖先得。”

离巢全为争取自由度 抛开掣肘做最真实自己

讲到离巢的原因，魏嘉信透露没有不快，反而是因为想有自由。“一直以嚟，我正职同埋我唱歌系有好多人支持我，但其实未必个个都知，有支持亦有唔支持，咁所以呢几年我好努力去唱歌或者做演艺，有时都会掣肘，未必发挥到全部，有好多嘢要顾及。有支持亦有唔支持，所以好多时喺呢方面拉锯。隔咗几年之后，我想重新畀自己新方向，确保自己可以自由发挥。旧时我讲嘅嘢，会尽量内敛啲，惊有啲乜嘢嘢对我唔好，但系而家我做返我自己，有咩就讲，会放开好多。”

离巢无损双方关系 衷心感激TVB提携之恩

最后，他也表示，感谢TVB提供一个平台给他演出：“之前合作，同公司关系非常之好。头先讲过自己有好多难题，甚至自己有难题，我都会同公司倾，佢哋都畀意见。我离开嘅时候依然同佢哋有讲有笑，我系真心好感激佢哋。如果𠮶日我冇踏入间公司，今日所有嘢肯定都不能成事。”