前TVB娱乐新闻台主播林子博日前在直播中大爆当年带新人的血泪史，直言遇过不少“极度不受教”的后辈，更曾因一个低级的“灾难级错误”而当场发火闹人，矛头直指前港姐。事件随即在网上掀起热烈讨论。不少网民纷纷化身“侦探”猜测女主角身份，更有人将矛头直指曾因采访屡次闹出风波的赖彦妤，指她以前也曾问错问题，怀疑她就是当事人。今日（19/6）赖彦妤现身葵芳出席《认识家国同心庆回归》活动，她在接受《香港01》访问时正面作出澄清与回应。

首度回应感到意外　澄清两人无交集

对于被网民列入怀疑名单，赖彦妤坦言自己也有留意到这则新闻，并表示刚看到时感到相当意外。她解释道：“首先我都有睇到呢单新闻嘅时候系有啲意外。因为子博前辈其实系佢离职公司嘅时候呢，我都未入去嘅，咁所以其实就冇真正咁样合作过嘅，咁同埋我一向都听话嘅。”

被问到网民的暗指和猜测有没有为她带来困扰时，她就抱著平常心面对，笑言当作是一种鞭策：“咁又冇嘅，咁我觉得‘经一事长一智’啦。咁即系始终，可能啱啱入行嘅时候，咁自己嘅做主持技巧未必系咁好，我都好想跟啲前辈学嘢嘛！所以，欢迎各位前辈指导下我啦！”

出外采访自备“功课包” 现场展示手机笔记

面对网民对其“不做功课”的质疑，赖彦妤在访问现场更即席拿出手机，大方展示自己平时工作前的准备功夫，力证自己每次采访都有认真做功课：“我会㗎！我畀个电话大家睇，其实我系习惯咗呢，有时见到呢，即系可能我哋㩒紧电话，其实我哋就唔系玩紧手机嘅。平时我就会打晒啲资料喺个手机入边，我即系出去做访问啊，或者做一些拍摄嘅工作之前呢，都一定会塞晒入个脑袋先。咁我自己习惯用呢个方法令自己入脑，至于其他主持技巧，或者是一些临场反应啊𠮶啲，就更加系需要去训练啦。”

赞前辈友善　乐于主动请教

至于林子博口中那位“不做功课的后辈”究竟是谁，赖彦妤表示自己亦毫不知情。她透露，自己自入行以来，遇到的前辈都非常友善和照顾后辈，令她获益良多：“哇！呢个就真系唔系好知啦。因为我入行以来其实好多同事、我遇到嘅前辈全部都好好㗎！好Nice㗎！特别系可能以前，有啲啱啱入行嘅时候啦，有些前辈直情是捉住我，佢同我倾偈：‘啊，你要加油啊！边度要，边啲位要留意啊？点样可以做得好啲啊？’咁我自己本身都好钟意学嘢，跟住我便会忍不住就会捉住个前辈就会问好多嘢。”