徐荣昨日（21日）出席无线剧《飞常日志II》宣传，剧中他主要对手是饰演他弟弟的吴伟豪，对方由Airfield的学徒升至正式操作员，同样地徐荣亦升了职，二人感情更深厚：“我同佢默契系好咗好多，因为好多嘢我唔使点讲，Ricco已经知点做，我讲紧工作上，呢个系最能够表达我哋更加感情深咗嘅一个原因。”问他觉得二人相处似兄弟还是父子，他笑笑说：“实质年纪生唔生得出呢？我生得佢出都唔奇，但系我哋上一辑有个共同爸爸，就系大强哥（吴大强），变咗我同佢感觉都系似兄弟多，但系我喺处理上我有少少似爸爸，好关心佢嘅爱情，好担心因为佢嘅职业嘅原因，配唔起女朋友，我做呢方面有少少爸爸嘅做法。”

父亲节冇时间与儿子睇世界杯 直觉阿根廷有机冧庄

讲到活动当日是父亲节，问徐荣收工后是否跟家人庆祝，他透露做完活动已要马上去内地工作，不过昨日早上已收到女儿送的父亲节卡和礼物，他已觉得收货，至于儿子则暂时未有表示。徐荣的儿子是港超联球员，问到两父子有没有一齐睇波，他表示因为开工，而且球赛都在香港时间深夜举行，所以不能追看，目前只睇了一两场，希望八强时有时间睇。至于睇好哪一队，徐荣说自己没有特别贴哪一队，不过认为阿根廷可能冧庄：“我有睇阿根廷果场，美斯自己入三球𠮶场，我自己觉得……虽然一换咗佢之后就冇波入，但系只要美斯在场，我觉得阿根廷今年系有机会冧庄，唔知点解。但系我又想C朗，佢应该系最后一届，我希望葡萄牙可以试下攞，等两个球王都有一个完美结局。”

C朗表现被踩 徐荣叹年纪确实影响表现

上一场葡萄牙对刚果民主共和国，和波收场，但C朗的表现被批评，就连袁文杰都毫不留情指C朗表现低分，有他形同打少个，徐荣虽然没睇该场，但都略有听闻C朗表现一般般，作为明星足球队成员的他就说：“踢波系咁样，因为比赛，未必即刻可以进入状态，希望佢可以尽力揾返状态，带领住葡萄牙，攞到好成绩！”问他觉得会否因为C朗已年届41岁，体力上未必支持到踢足90分钟，他身同感受：“绝对！因为我自己有踢波，唉，以前可以爆几段都冇问题，而家爆一段返嚟喺后面抖好耐，做下防守，冇得助攻咁样，年纪系好大问题！”

简慕华贴流泪相惹网民忧心 徐荣稍后会问候：大家都唔easy

此外，近日好友简慕华在社交平台贴了一张流泪相，不少艺人好友及网民都有留言问候，徐荣指自己都有留意到，但因为前一晚才回港，未有时间关心对方，之后会找简慕华，希望她没事。他透露上次见面是打Pickleball，对方情绪没异样，又赞简慕华很勤力，不断钻研球技，已是球手级。对方在帖文中写住：“It’s not always easy, but that’s life.”徐荣就表示：“咁呢两句好正常，我哋大家都生活唔easy呀，life唔easy呀，生活都好辛苦，大家都系做嘢揾食，佢可能……唔知呢，有感而发突然间，我问一问佢先！”