Tyson Yoshi早前出席24/7 fitness 8周年酒会，期间他接受《香港01》专访，除了分享自己的饮食习惯外，亦分享他对网上的haters及人生计划，原来健身有助他远离社交媒体，面对网络上的负面评论，他直言现时已学会坦然面对：“无嘢啊，用呢个生命夹硬接佢啰，接得耐就惯咗，就发现无嘢，（但会唔会叫自己唔好咁燥底？）会嘅，尤其而家三字头之后，虽然咁讲，但近排都濑唔少嘢，但好啲㗎喇，而家就social media 唔玩咁多，反而专注现实生活，所以点解去做gym?因为你㩒唔到手机，而家钟意埋玩两个辘（电单车），要更加focus，会放低𠮶个世界一阵间，如果你现实生活好丰富，你就唔会咁在意上面啲嘢。”

目前，Tyson Yoshi 依然保持一星期7天都有运动的习惯，当中5天做重力训练、5天做带氧运动。他坦言，即使工作再忙、甚至连续工作12个小时，他也会在开工前完成训练：“有时状态唔好、无力，都唔会逼自己去到咁狠，但都一定会落去郁吓。”

为自己定好“降落”期限

不知不觉已入行8年的 Tyson Yoshi，被问到可曾想过放弃演艺之路，他表示从未想过，但坦言心中有一个“降落”的期限：“我有谂过一个期限，呢个圈嘅人好钟意谂点样起飞，起飞之后，个个就会钟意谂点样继续飞；但我自己反而系谂几时降落，无可能一路咁样落去。”他亦透露现时正努力与另一半筹备生小朋友，希望能尽快传出好消息。“而家系努力紧，最好系ASAP，始终老婆同我同年，我就仲急过佢，当然佢都想要小朋友。”

最后，对于有志投身音乐或创立个人品牌的年轻人，Tyson Yoshi 留下了真诚的建议：“真系要钟意𠮶件事先得，人哋睇得出㗎嘛，你唔Enjoy，人哋点样去钟意你嘅制成品、或者你嘅创作，甚至你呢个人本身？最紧要你钟意自己做紧嘅嘢、Proud of自豪自己做紧嘅嘢，同埋信自己，唔好谂住赚大钱，基本上维持到先，跟住之后你专注𠮶件事，果实就会嚟。”