艺人陈凯琳（Grace）今日（22日）下午现身品牌活动时，以粉色低胸裙现身，仙气满满。适逢明天（23日）生日，有大批粉丝准备了蛋糕为陈凯琳预祝生日，更即场大唱生日歌。

陈凯琳感恩能走到《浪姐7》总决赛

接受访问时，陈凯琳透露今早才由长沙乘搭高铁回港，未能赶及庆祝父亲节，但早前回港时已买定贺卡给3位儿子，写下心意给老公郑嘉颖提前庆祝，而今次回港休息2天过生日便要返回内地工作。提到参与内地综艺真人骚《乘风2026》（浪姐7）成功以第23名晋身决赛，陈凯琳表示：“一直都好险，冇一刻觉得自己系安全，行到总决赛对我嚟唔简单，我本身对唱歌跳舞都唔系一个专业嘅人，行到呢个位好感恩，希望除咗别人之外，自己都可以睇到自己嘅付出。”她续指过程中很累，始终时间好长，但不会形容辛苦，因为很享受整个过程。

陈凯琳认没够自信

问到经过《浪姐7》之后，可有在唱歌跳舞方面更有自信，陈凯琳坦言：“多咗里面嘅勇气，觉得自己自信仲系争少少，因为每一次都会好惊出错同埋有瑕疵，虽然分数可能未必高，但系分数唔系最重要，最重要系踏出舞台做呢件事。”提到儿子都有留意自己的演出，陈凯琳想让孩子知道结果不重要，最紧要踏出尝试的一步，希望能以自身经验来让孩子知道就算不是第一名都要继续努力，陈凯琳很感激老公郑嘉颖在这段时间照顾三个儿子，亦在参与《浪姐7》时给予鼓励。

陈凯琳笑指拍综艺冇TVB咁辛苦

问到今次参与《浪姐7》拍摄是否很辛苦，与过往在TVB拍摄可有什么分别时，陈凯琳笑言：“可唔可以咁讲呢？我谂冇一样嘢可以比TVB更辛苦、更长时间，因为TVB𠮶时我好新，我当时啱啱返嚟香港，讲广东话都未讲得好正嘅时候就入剧组。当然综艺系做返自己系舒服啲嘅，去投入角色背台词跟住要演一场戏，系有一种唔同嘅体验。咁但系你话隔咗咁多年，喺一个舒适嘅地方喺屋企自己拍摄同呢个地方系相当之唔同。”至于讲到参与节目后在内地人气急升，人气是否比老公强劲，陈凯琳笑言：“唔会，最紧要呢件事俾大家睇到我系一个独立个体，每个人都需要个人嘅身份，旁边嘅人支持都好重要，我亦都系郑嘉颖老婆，呢个都系我身份之一。”