林盛斌（Bob）今日（6月23日）为他的《BOBMAN搏命先生》世界巡回栋笃笑举行记者会，他接受访问时透露半年前已开始筹备这次的栋笃笑，当时在拍电视剧，筹备过程比较辛苦，休息时间都不够，近期不用拍剧便可以多些时间写稿准备。问到他老婆可有叫他不要那么搏命？他说：“无，其实我喺家庭、工作、仔女甚至乎自己嘅身体都喺度搏命，好似之前通波仔都要搏命。Bobman嘅super power就系hard work努力奋斗。（海报灵感系咪嚟自laughing哥？）唔系，喺系攀上台湾101，一跌落嚟就粉身碎骨，体现咗工作上去到好尽嘅搏命精神。”

自爆被仔女嫌他烦

Bob坦言第三次举行栋笃笑有压力：“今次嘅压力大咗，上次喺去16、7城市巡演，今次系19个，仲有两三个倾紧，好chur，一个月要走两三次，想出年年中香港尾站完成，时间上有压力。仲有内容上都有压力，上次观众话有嘢可以拎走，想观众有共鸣，好唔好睇，好唔好笑，有无嘢可以带走。（香港场地会喺边度？）场地申请当中，如果有机会做得返红馆就好感恩，唔系咁容易，会唔会有突破？（成日飞咪少咗时间陪小朋友？）有同小朋友family meeting，佢哋完全无问题，想爸爸少啲喺屋企，因为觉得爸爸好烦，会管束佢哋，佢哋会问我几时再出trip。佢哋有时唔知我出咗trip，个女有次见到我拖喼返屋企，问我要去边度，几日唔见我都唔知。”

老婆似只熊在背后抓紧他监视他

身为爸爸的Bob表示日常都要同小朋友搏命：“由bb到成长到青春期到依家都系同佢哋一齐搏，佢哋钟意边个偶像唔可以讲错，我同太太都要搏命，佢就好似海报入面只熊咁，喺后面抓住我监视住我，要同太太斗嘴。”Bob又谓大女即将升读大学：“希望佢去做下暑期工，去面对下人，体验下赚钱嘅辛苦，唔好摊大手板问屋企拎，唔好有躺平嘅心态，咁当然平日返学系会畀够零用钱佢哋。有亲子档嘅工作都会畀返啲酬劳佢哋，都有广告客户邀请我哋一齐拍嘢，会尊重佢哋意愿为先，同佢哋倾睇佢哋想唔想拍。”