方力申今日（6月23日）特地去撑好友林盛斌（Bob）场，出席Bob最新世界巡回栋笃笑的记者会。方力申表示Bob给予他好多力量，以往都有叫他加油，他亦有在Bob第一次的Talk show担任嘉宾。方力申说：“Bob佢做咩都好搏命，我当然都好搏命，大家都好欣赏努力付出嘅人，所以观众都会搏命扑飞。（Bob一次食到3个公仔面，你得唔得？）我食到，食嘢系我强项。Bob佢敢想敢挑战，呢样嘢我要向佢学习，唔好讲唔得，系未得啫。”

爆女儿已识叫爸爸

方力申指Bob巡演首站在澳门演出，他稍后也会到当地：“不过我系游过去，我11月会喺香港游去澳门做慈善，今次要游出公海，向香港海事处、内地同澳门都要申请。Bob系又做又讲，我只默默做，我都要讲畀多啲人知，发放正能量。今次预计要游8-9个钟，睇水流。我个女到时应该识行，但系老婆已经讲咗唔会全程喺船上面陪我，佢会晕船浪，只会喺岸上等我。”

提到刚过去的父亲节，方力申表示一家人三代同堂一起庆祝，特别有意义。他说：“我个女个𠮶日好似有讲到爸爸，今朝绝对肯定佢嗌咗我爸爸，好感动，不过无拍低到，好难，拍住佢就唔会讲，所以我老婆好炫耀佢拍到个女嗌佢妈妈嘅时刻。（下个父亲节多一个小朋友一齐庆祝？）呢样唔知㖞，顺其自然。”