相隔五年，Theresa傅宝谊（前名傅颖）再次推出广东作品《成年礼》，她日前更专程回到香港，接受好友兼HOY主播Angela俞咏文的访问，畅谈近况。

傅宝谊拒迎合圆滑

新歌《成年礼》所表达的成年，Theresa讲并不是大家认为的18岁：“人哋就话18岁系一个典礼啦! 呢首歌唔系讲呢样嘢， 系讲人生到咗下半场之后，知道自己人生嘅意义系乜嘢，过往嘅经历对于你嚟讲，无论系好与坏，都系一份礼物！其中歌词第一句，做过简单快乐的人，我本身个人系比较简单，而喺我30至40岁之间，我喺内地做直播带货，我成日都喺度谂，系咪需要好似其他人咁圆滑呢? 系咪应该做人sweet啲呢? 不过最后都系决定简单啲做自己！”

自爆单身足十年

讲到断舍离，Theresa十多年前已经开始实行，来到2026年，Theresa第一样要断舍离的是前男友的合照：“呢啲嘢留喺心中咪得啰！同埋我都已经十年八载冇拍过拖，觉得唔需要，可能我已经过咗情关！如果你知道爱情嘅本质，你就觉得都唔系咩嘢！如果要个伴嘅话，宠物都系一个好好嘅陪伴！我会喺我只猫度，感觉到乜嘢叫做真爱！而其他嘢例如奖项或者fans送畀我嘅礼物，重要嘅我都会摆仓度！其实屋企嘅嘢越少，你个心就越清净，同埋有更多嘅启发！所以我觉得断舍离系必须嘅！”