郑裕玲（Do姐）最新一集《The Do Show》邀请到刘嘉玲担任嘉宾，两人在节目中澄清了曾被指拍摄剧集时“结怨”的真相及Do姐与刘嘉玲当年同时被提名金像奖影后，Do姐缺席仍夺奖令嘉玲大受打击之外，嘉玲更谈及与梁朝伟的爱情。

梁朝伟唔敢叫工人换灯胆

刘嘉玲在节目中透露，梁朝伟随著年纪愈大就愈需要嘉玲照顾，更指伟仔从小就一直被照顾，令他好像失去了自理能力，除了电影世界，日常生活都需要嘉玲为他打点一切，嘉玲搞笑指伟仔连跟工人沟通都要靠嘉玲，因为觉得唔好意思：“例如灯胆坏咗，灯胆坏咗你咪去换啰，唔识换咪打电话叫人换，佢会话‘刘嘉玲灯胆坏咗’。所以个关口一棘住，佢就‘快啲救我’咁样。”对于被Do姐问到是否享受照顾梁朝伟时，嘉玲笑言自己是被逼上梁山：“我都想有个人照顾我，我都想灯胆坏咗我老公即刻去换，但系慢慢就形成咗而家咁嘅局面，我又忍受唔到（唔做）。”

刘嘉玲原来系I人？

当Do姐问到刘嘉玲可会想跟梁朝伟一起合作拍电影，嘉玲立即拒绝，并表示伟仔要求很高：“我暂时仲未过到呢一关，或者老啲啦，太熟喇，我觉得会冇乜新鲜感。”对于外界一向都认为刘嘉玲与梁朝伟是“E人”与“I人”的极端，刘嘉玲竟然透露自己特别做了测试两次，结果竟然显示自己为“INFJ”，更笑言：“我觉得你哋全部都睇错咗，你哋大家都睇到好表面嘅我，真正嘅我系I人。”嘉玲补充自己同Do姐一样工作百分百投入，亦很需要Me Time及不介意独处，不过却认为身体里住了两个人。

刘嘉玲自认难搞脾气差要梁朝伟忍受

谈到与梁朝伟近40年的爱情，刘嘉玲直言意想不到，而最艰难的却是“七年之痒”，因为双方都将自己所有的本性暴露出来，而数十年来维持感情的是爱：“我觉得系爱，人生里面有好多嘢你系可以舍弃，金钱、名誉，但爱，你好难舍弃。中间有好多瞬间系想give up，但系我谂因为爱，都系大家彼此，都系留咗落嚟。同埋可能大家都睇到对方一啲好嘅嘢，同埋原谅一啲唔好嘅嘢。”嘉玲直言能维持是因为互相迁就，并自认难相处，除了脾气急躁，还很坚持自己的原则：“我脾气都唔好，所以有时佢都要忍受我。”

经过挣扎吵架培养出不言而喻的默契

当Do姐问到两人的浪漫事，刘嘉玲笑言现在都很浪漫，更会拖手仔，互相的陪伴更多。问到梁朝伟是否比起过往更需要刘嘉玲在身边，嘉玲笑言：“可能佢都老喇，落叶归根咁样。即系我哋好似经过好灿烂，跟住挣扎，跟住嗌交，好多好多嘢，去到而家大家都已经住入咗大家嘅身体里面，我已经好知道佢谂紧咩，佢亦都好知道我谂紧咩，系一种唔使讲出嚟𠮶种默契。我觉得而家呢个关系，系多谢上天俾我修返嚟嘅（福气）。”

做埋梁朝伟心理医生？

谈到家中事务都由嘉玲来负责，她透露梁朝伟要到欧洲或纽约宣传电影时，会感到烦躁及抱怨自己为什么要做这么多，所以这些时候刘嘉玲就一定会留在梁朝伟身边：“我要将佢嘅Negative念头转化成Positive念头，倾偈𠮶时我会将佢嘅注意力放松去另外一个地方，等佢Enjoy做访问𠮶个感觉，或者出去食餐饭、饮杯酒，咁令佢分散注意力，如果唔系佢会好Focus去唔好嘅情绪入面，佢会好辛苦。”

刘嘉玲不介意做后盾成就梁朝伟

刘嘉玲忆起有次与林青霞坐同一班机回港，对方表示看了《花样年华》后认为梁朝伟是一个很伟大的演员：“佢专登走过嚟同我讲，佢话我知你喺佢身边好辛苦，但系你辛苦啲啦，你成就佢，真系一个好难得嘅演员，咁我𠮶时仲谂，咁我呢？即系我要辛苦啲成就佢，咁后尾呢句说话其实一路我都记住。”嘉玲认为梁朝伟敏感的性格，加上专注投入每件事，才会他成为特别的演员，而自己亦非常为他感到骄傲。更指伟仔为角色作长时间准备，而《寂静的朋友》就花了6至9个月去练习好英文或令自己更似一个教授：“我唔系佢老婆我都尊敬呢个演员。”