马国明、刘颖旋与周嘉洛于铜锣湾闹市街头出席他们主演的无线剧集《飞常日志II》收视报捷活动。问到可会想拍第三季，刘颖旋说：“梗系想，想试下做飞机师角色，好有型。（会唔会派福利？）等观众再支持多啲先谂下有咩福利。”

周嘉洛未试过畀女飞

周嘉洛说：“绝对需要拍第三季，我再升就系去到马明个职级。（会唔会争取马明剧中个旧爱？）唔会，依家已经死咗心，睇下第三辑可唔可以拿下。（唱咗8次男人最痛㖞。）gimmick嚟，实际拍嘅时候系唱咗20几次。（现实中有无试过畀女飞？）唔系好记得，我感情生活好健康，其实系无既，sorry。”提到同剧的朱敏瀚早前宣布回复单身，周嘉洛表示与对方没有什么感情对话：“我哋主要倾事业，我哋事业心好重，佢恢复单身唔影响佢嘅事业。”

马国明羡慕高海宁富贵飞美国睇世界杯

马国明对于活动现场安排了一个他爆肌的纸牌，表示：“我都系唔好操肌，爆肌身型唔衬我，公司无要求我要操肌骚肌，自己又无要求，我平日踢波多。”而热爱足球的马国明一提到世界杯便十分兴奋：“梗系有睇波。（支持边队？）阿根廷、英格兰，今年特别支持C朗，始终佢系一代球王，都想佢今届发挥到水准。（老婆有无陪你睇？）有呀，佢睇到一半瞓咗，话好眼瞓就入房瞓，两只猫都跟埋佢一齐入房，剩返我一个睇，佢其实唔系好识，志在陪我睇下。我都好想去外国睇，但系无假，好想好似啲有钱嘅人话去现场睇就去睇。（好似高海宁咁？）系啰，咪好有钱𠮶啲啰，有啲前辈唔开工去睇，想睇边场就睇边场。”