胡鸿钧被吴若希点名做“渣男老公” 直呼好大压力：绝对臣服于佢
胡鸿钧（Hubert）近排频频发功，下半年排满晒档期准备四出“揾真银”！除了准备联同前辈阮兆辉及分哥分别登陆广州与美加开骚外，更会与好友吴若希（Jinny）同台演出。不过一提到吴若希，胡鸿钧居然直认“好大压力”，更大爆对方成日睇自己唔顺眼？
胡鸿钧同吴若希合作，直呼好大压力。（林迅景 摄）
胡鸿钧同吴若希合作，直呼好大压力。（林迅景 摄）
同吴若希合作压力山大：“绝对臣服于佢！”
提到与吴若希筹备演唱会的趣事，胡鸿钧笑言两人平时同台都经常发生“口角”，火花十足：“唔知点解会梗系大家都有一啲口角咁样嘅，即系梗系好似睇佢成日都唔顺眼咁样。”被问到对方是否对自己不满，胡鸿钧即刻求生欲极强地笑指：“我唔评论啦！但净系讲佢对我好似梗系有一啲不满咁样啰，所以我自己都好大压力！”
他更连讲两次“好大压力”，坦言希望到时开骚唔好俾对方“抽秤”，更搞笑扬言：“冇冇冇，绝对臣服于佢啦，敬畏敬畏！因为嚟紧佢又做一套新剧嘅女主角啦，大家又话佢小富婆咁样，所以喺各方面我都要向佢学习啰。”
玲玲姐同婉婉轮流强攻吴若希，搞到吴若希都唔识反应，最终仲要以笑遮丑。（TVB图片）
挑战斯文败类？笑言拒做吴若希“渣男老公”
吴若希近期准备做新剧《爱回家》女主角，有指女方想喺新处境喜剧入面揾胡鸿钧做老公，仲点名要“渣男”人设！对此胡鸿钧就𢯎晒头：“佢话想揾个渣男做老公，其实佢呢个concept我都仲未搞清楚点解！一来点解要揾个渣男做老公呢？搞笑啦，明明处境喜剧！二来我同渣男又好似唔系好⋯⋯做唔到渣男啰！”
不过被问到如果挑战做“斯文败类”，胡鸿钧就直言都有得发挥：“都可以嘅，首先同我自己本身个性格唔同呢，观众睇到就有反差啰，可以科开嚟玩，同埋有发挥空间呀，所以系好事嚟嘅。”他表示目前仍在揣摩对方的要求和想法。