卢宛茵今日出席HOY全新综艺节目《嫲嫲饭饭》之《给阿嬷的情书》特别场活动。由于该电影故事内容十分感人，卢宛茵说：“都惊惊地会喊，我系一个好易喊同好易笑嘅人。”

难忘恩师钟景辉教导

提到她的恩师钟景辉（King Sir）本月初离世，她遗憾未能见对方最后一面，问到两人过往相处的点滴，卢宛茵说：“系King sir佢教我哋演戏，我演𠮶套《朱门怨》就系佢教我哋嘅，佢净系教咗4期训练班，我好荣幸可以畀佢教到。佢系讲理论嘅，依家无呢种㗎喇，佢上堂上一粒钟，仲会影埋啲教材畀我哋，好认真，好用心去教。佢教我哋何谓戏剧，讲解得好深入，好仔细，真系令我哋获益良多。我到依家几十年嚟都系用佢教嘅呢套去演戏，人哋讲咩我都唔理，从唔觉佢啲嘢out，有啲人会觉得我哋呢啲老嘢已经不合时宜，我就觉得依家有啲人演戏阿茂整饼，好多余，自己会睇到好激气。例如拍食饭，食完咪cut，又要画蛇添足做好多动作，我好憎呢啲。但唔会出声话，试过畀意见人哋就话得啦得啦，都唔愿意听意见嘅。”卢宛茵与King Sir在《高朋满座》中合作过，两人饰演夫妻，有很多对手戏，令她感到好开心：“未入厂时佢会叫我入休息室对戏。”

亲揭被导演当众辱骂过程细节

提到卢宛茵日前透露拍摄剧集《非份之罪》期间被导演当众骂“戏屎”一事，她说：“𠮶次系我已经忍咗佢5、6日，一直对我吹毛求疵，我系跟大师教演戏出身㗎嘛，佢都唔系正统学演戏嘅，系做PA跟上嚟，边识演戏吖，佢故意为难我，话我啲戏唔够，叫我拍台𠮶啲，话我一碌木咁喺度做咩，佢剧本都无睇就话我，我咪同佢讲我啲戏唔系大夸，当面同佢理论，佢都当场呆咗。佢根本唔识咩系演戏。我啲朋友话佢唔敢话啲主角，系虾我呢啲老嘢，我演嘅系有深度嘅戏，唔系好浮夸𠮶种，我话不如写我移民啦，我唔拍喇，今次真系第一次畀你咁样话我，好奇怪。我哋以前跟king sir，拍戏前系有排过先嘅，依家无㗎喇，埋位就嚟，可能时代唔同咗，我唔系好惯，唔系好啱呢套模式。（会唔会接少啲戏？）我会认真睇下好唔好，睇对手睇剧本，依家做吓呢啲活动都几好。”