李启杰今日出席有份主演的无线新剧《非份之罪》宣传活动，他透露剧中饰演施sir一角：“系新界东重案组嘅警察，今次特别啲，系由警察收到个case嘅角度出发去查案，同僚之间大家唔知对方嘅嘢，剧本设计有心思。”他表示已做做过好多警察角色，觉得都适合自己，问到可有什么未演过的角色想演？他说：“可以演再变态啲嘅反派，或者性取向唔同嘅角色。”

考牌教打波帮补生计

提到他有份演出的处境剧《爱·回家之开心速递》即将迎来大结局，问他可有份拍结局篇？知否什么时候拍完？在剧中饰演导演的李启杰说：“7月中应该会拍完，我应该都有份拍，呢啲机密嘢未知住。都有唔舍得，但系天下无不散之延席，系一个好开心嘅回忆，呢个导演角色为我创造咗个形象，依家系完咗一个阶段喇。（新开𠮶套处境剧有无你份？）新剧暂时未有我份，基本班底应该已经定咗，希望嚟紧有机会可以参与到。（拍完《爱回家》咪会影响收入？）系会影响到，不过无问题，努力啲做其他剧，都有谂紧做其他嘢帮补下，我考咗pickleball嘅教练牌，仲有几个牌要考，考晒就可以去教波。”