周柏豪昨日（29日）到圆方出席腕表品牌活动，吸引大批粉丝到场支持。周柏豪接受《香港01》访问时，自问手表收藏不多，但其中一只价值六位数的名表对他意义重大：“系我一个好大嘅见证，见证住我自己嘅成长。我第一个出嚟做嘢、开始有能力买自己想买嘅嘢，就买咗呢只手表，连楼都未买！”他透露该手表已陪伴自己十多年，陪伴他经历了多件人生大事，除了出席颁奖礼外、甚至在泰国结婚时也戴著，“男人系咁，𠮶排戴只表觉得顺嘅，就会一路戴。”

爱表见证人生大事

周柏豪更分享年幼的儿子有时会打开他的柜子玩手表，因为手表尺寸太大，他通常会在旁“监管住”，以免跌落地上；儿子也会好奇问手表是否爸爸小时候的物品，他回答：“唔系小时候，系爸爸大个买嘅。放心，唔使心急，第日都系你嘅！有时个女问，我就会话，第日人哋会畀你，唔系我畀。”

夫妻购物不需互相批准

问到现在买贵重物品，是否要先得太太批文？周柏豪笑指两公婆买东西不需要互相批准，最重要是“量力而为”。他笑称：“我买嘢我会通知声，我唔系攞批准。”他亦从不阻止太太购物，更透露有时太太买东西送给他，他反而会开玩笑地埋怨对方没有提早询问，因为可能是买得多或较昂贵的物品，“我会话留返啲钱买畀妳自己啦，我有赞助。同埋太太都系我形象顾问，就算我落街凑仔著套衫都会问佢得唔得啊？我系完全信任太太嘅时装品味。”

陪子女赴韩追BTS

暑假将至，周柏豪表示女儿就读国际学校，故放假和开学时间较早。他透露原本自己正在韩国旅游，但为是次品牌活动，特意买机票独自回港出席，而太太和子女则仍在韩国：“系小朋友放假前已指定要去，因为佢哋钟意BTS！两个小朋友最近超级迷恋，要带佢哋去睇下佢哋嘅嘢啰。”

问到周柏豪见到自己子女追韩星，有没有酸溜溜？周柏豪笑言：“无嘢㗎，入到去咪做返保安主任，即系入到舖头搞人啲嘢，就叫佢哋唔好搞啰。但又唔会酸溜溜嘅，事实上我都觉得BTS系值得钟意嘅，我都有听佢哋啲歌。”周柏豪之前曾陪女儿去看Blackpink演唱会，而BTS也即将在明年来港开骚。他直言已经“Mark咗”，出尽人情牌扑飞：“真系唔易啊，一家四口！”

周柏豪更透露，子女深受K-Pop影响，近期主动要求去跳舞班和音乐班，并非父母强迫。子女都想入行？周柏豪说：“又唔系，但佢哋好想好似爸爸咁，唱歌跳舞。”不过他发现子女很有音乐天份，听一两次歌曲便懂得唱，认为他们遗传了自己的音乐DNA，因此作为父亲便尽力提供学习机会，“至于将来系咪做呢行，佢哋自己决定。”至于在学业上，周柏豪称和太太有共识，不盲目追求成绩，只希望子女开心成长、拥有良好价值观。

笑言难以接受女儿拍拖

女儿开始长大，周柏豪笑指太太已开始辅导他。接受不到女儿识男仔？他直言：“我相信呢辈子都唔会接受到，因为本来（女儿）系我架嘛，点解慢慢会变咗人哋嘅！所以都会睇住。”周柏豪坦言在教育方式上开始注重“男女有别”，现在会严厉监管子女的行为，例如姐弟小时候会不穿衣服周屋走，或一起洗澡等，现在都不可以了。他自言自己换衫也会去洗手间，因为小朋友现在开始对身体会有好奇。

曾受翁金骅指导　回应学界体罚风波：郁手绝对非常之唔啱

除了唱歌跳舞外，周柏豪称姐弟都遗传了他很喜欢打篮球，都有帮他们报读篮球班。提到前排学界爆出篮球教练翁金骅体罚风波，问周柏豪怕不怕子女都遇到这些状况？他直言：“我认同学习篮球系需要严格，但系我唔支持用粗暴嘅行为。有时我个仔间学校嘅老师都会好严格地去执行一啲纪律上嘅嘢，我觉得一个团队，每一个人都必须听教练讲，先能达到团队嘅团结性，同教练嘅一啲目的，但我觉得郁手绝对非常之唔啱。”

曾入选香港篮球代表队青年军的周柏豪，更直言翁金骅曾经有一段时间是他的教练，虽然记忆已经很含糊，但对他来说翁金骅是一个好出色的运动员，射三分、外线很出色，“我哋细个都当佢系偶像。（咁你听到新闻是否很震惊？）震惊，当然震惊！身为一个家长绝对唔会想见到呢啲事发生。因为已经唔系皮外伤嘅嘢，而系涉及身心发展。至于有无涉及咩原因，我就唔加以讨论了。（你接受佢训练时，有无遇过不快事件？）佢系恶嘅，但我自己识得保护自己，同埋任何人都要自己识得保护自己。”

预告办粉丝见面演唱会

最后，谈到有粉丝投诉他近年常开见面会，何时再开演唱会？周柏豪预告即将举行“粉丝见面演唱会”。他解释在韩国很流行，性质与演唱会相似，都会演唱20多首歌，但会加入更多互动元素、打卡位及周边商品，甚至会抽选歌迷上台。周柏豪笑言修正演出的名字，是免得歌迷误会见面会“不唱歌”。周柏豪透露，巡回见面会7月底将前往佛山举行，随后会到澳大利亚等不同地方演出。至于会否带子女上台实践一下？他则断言拒绝：“18岁之前仲系我监管嘅都未得，18岁之后先啦！”