MIRROR 成员陈卓贤（lan）今年四月推出新歌《那抹柔光，名为你》被指与独立歌手潘宇谦（AP）早一天发布的国语歌《碎钻星球》闹“双胞胎”，引起网民热烈讨论，二人曾十分好友兼是合作伙伴，与共同合作的音乐监制陈考威并肩作战，被戏称是“创作三剑侠”，但是在网民发现二人已经互相取关，令兄弟情决裂的传闻甚嚣尘上。

“我谂我未至于要堕落到去做抄袭”

今日（30日）Ian 与钟嘉欣齐到铜锣湾TELOSIN品牌活动，被问及疑似抄歌一事，Ian激动澄清：“首先我觉得要严正啲去回应下，我唔系第一日出道嘅人，我出道咗八年，而我当中写嘅作品出过嘅，其实都唔少，同埋我系一个选秀节目出身嘅一个人，我谂我嘅能力 我嘅实力，我做紧嘅嘢，个程度去到边度，大家有目共睹，第二样嘢就系，我嘅电脑 ，我谂事但一个folder打开，都应该事但一首歌都可以出得，我谂我未至于要堕落到去做抄袭呢一件事，当有一日我意识到自己系要，我唔抄袭我就做唔到音乐人，我出唔到歌嘅时候，我谂我就会已经系退出呢一个圈，我唔会再做，因为我过唔到自己𠮶关。”

某歌手唔止一次想Ian写歌

“第三样嘢就系，如果我要抄袭，某一位歌手嘅话，咁点解𠮶位歌手以前会，唔止一次叫我写个歌畀佢呢，咁然之后第四样嘢就系，我亦都唔系佢嘅合作开嘅监制，咁我点解会有佢嘅demo呢，呢样嘢系唔合理㗎嘛，通常系合作开嘅监制，先会有𠮶啲歌手嘅demo，咁所以我就觉得，呢一啲就系我自己嘅一啲睇法啰。”

“大家有证据，我都非常欢迎大家实名出嚟指证我”

“（你哋系咪IG互相取消关注）系呀，朋友都系讲频率㗎咋嘛，咁频率唔对嘅时候，道不同不相为谋，其实我出道到而家，写咁多歌词，如果有边位咁抵得谂，畀我改几句歌词，就个credit系写我名嘅话呢，咁我谂就冇一个音乐人，会摆咁多苦工去做自己嘅作品㗎喇，我觉得呢个世界唔会系咁样啰，即系大家睇件事，要合逻辑啰真系，即系如果我出道到去今年第八年，真系有所谓嘅请枪，或者系唔系自己嘅credit都摆落去嘅话，到呢一刻点解冇人会指出嚟指证我呢，咁而如果大家有证据，我都非常欢迎大家实名出嚟指证我，因为咁样先可以大家继续互相追讨到落去，我唔系一个做嘢为咗credit嘅人嚟嘅，咁但系我每一只歌摆得自己嘅credit，系因为我尊重自己做过嘅effort，尊重过自己嘅付出，而我亦都摆得起啰，我每一个摆自己名落去嘅作品，我都绝对摆得起有余，咁甚至其实有啲系我做过嘅嘢，我系冇摆自己嘅credit嘅添，即系可能有啲MV我系做过导演嘅，咁我亦都唔会去摆个credit，因为我会觉得我落嘅𠮶个功劳其实系未够多嘅，或者我觉得可以再做得更加好啲嘅，大家觉得呢一样嘢就可以令到我嘅形象或者前途，即系简单嚟讲，我俗啲咁讲，就系想诛死我嘅话，我谂就sorry真系冇乜可能，（有无影响你心情？）你一个人行得正企得正，其实我谂每一个人做嘢都系为求你夜晚瞓得安乐，你做嘅嘢唔系净系做俾人睇㗎嘛，个天喺度睇紧㗎嘛，咁我每晚瞓得好安乐。”