钟嘉欣，陈卓贤昨日（30日）一同出席TELOSIN品牌活动，早前杨思琦在Hoy节目《九运会客室》爆出当年拍TVB剧，被同剧演员欺凌，引起网民广泛讨论，而当年钟嘉欣曾经同杨思琦拍摄《人生马戏团》，更一齐经历惊险事件，问到钟嘉欣有否同杨思琦一样，在新人时期被前辈演员欺凌，她说：“我有冇遇过欺凌呀？其实一个团队里面有好多唔同嘅性格，我以前系好怕丑，我系一个人都唔倾偈，即系我见到你我可能都，即系点下头我都唔倾偈，所以我冇机会去建立任何一个关系，所以喺我嘅经历里面，我唔记得有呢样嘢，即系我未经历过，因为我好我好自闭，但我知道你出嚟社会一定有呢啲嘢㗎嘛，系咪 ？好正常。”

“我试过有啲人，讲咗啲好难听嘅说话畀我啰，我有喊过嘅，但系我系返屋企喊啰⋯⋯但系我又过咗就算啰，其实好似思琦咁，我谂佢都系，即系佢都系依家，系咪廿年后先突然间讲返，我识嘅思琦好单纯，好sweet嘅一个女仔，同埋好顾家 好爱家。”

说完杨思琦，接著有传媒提问钟嘉欣有关夏雨，他早前被指当年与高妙思拍接吻戏时，临时加戏伸俐，钟嘉欣听到后表示相当𫍡异，“夏雨㖞！爸爸系一个好直嘅人嚟，以我所知，爸爸系一个心好温暖嘅人嚟嘅⋯⋯佢伸俐？系咪剧情需要咋，唔会㗎㖞，爸爸唔会咁嘅，佢好为个戏嘅，你会feel到佢𠮶个energy一入到厂呢，佢系有火嘅，但𠮶种火唔系话忟嘅火㖞，𠮶种火系我好热爱我嘅工作，系咪投入得滞咋？系咪剧情需要？我真系唔知，我冇睇到。（咁你有冇遇到临时加亲热戏或者伸俐？）无，但系有试过𠮶啲床上戏啰，即系要攞块布摆中间咁样，即系床上戏啰，要保护下自己。”钟嘉欣还表示拍这些床戏，男演员有时更大压力，因为怕女方难受。