由文化艺术生活平台【电笠】举办的《人人和音 School Tour》，透过不同音乐及专业单位的分享及交流，为正面对学业与前途压力的同学减减压。活动已经来到第四季，今年选用“梦想中的另一个我”为题，让同学们看见生命更多可能性。第三弹分别有邱傲然（Tiger）、 Nohwere Boys、范卓贤（Jacky）、林𬀩竣及男团 ZPOT，走访礼贤会彭学高纪念中学及圣士提反书院，与同学共渡愉快的下午。

邱傲然感激队友陪伴

Tiger于台上自爆儿时“冇乜梦想”，只是顺应自己的内心行动：“慢慢就会揾到自己钟意嘅嘢，咁多年走过来，其实都有好多困难，有好想放弃嘅Moment，但系我觉得最幸福、最幸运嘅系，我身边有一班陪住我去行嘅兄弟、同事，MIRROR，仲有我嘅音乐伙伴天衡，佢哋畀咗好多力量、陪伴同时间我。”他认为只要仍然会担心未来，便证明对自己仍然有期望，因此会继续努力：“我觉得愈难愈有意义，嚟紧大家都会考车牌，大家不妨去考个棍波牌，因为你完成到个挑战你会更有成功感。”

对于演艺路上，难免有反对声音甚至被泼冷水的时候，Tiger认为只要有足够热爱，无论外界有何批评，仍然清楚自己的方向就可以：“同学可能会担心梦想揾唔到食？唔使担心㗎，因为好多时梦想真系揾唔到食，但系你有呢个担心证明你已经有梦想啦！梦想唔使好伟大，可以只系整一个好靓嘅花樽、一只好靓嘅杯，最紧要自己开心。”他表示最怀念读书时期与同学讲笑、打波，又直言“最唔钟意上堂”，现时仍间中与中学同学聚会，更会一齐去旅行。

范卓贤学习“强者从不抱怨环境”培养大心脏

同场的Jacky分享自己面对失败的心得，坦言每次上台唱歌都很可能有不同的挑战与小插曲：“以前嘅我都会想喺更完美嘅环境，但系我好钟意一句说话，强者从不抱怨环境！就算未系强者，都要令自己觉得自己系强者，咁先会令自己愈来愈强。”首次担任School Tour嘉宾的ZPOT特别兴奋：“初初都有啲紧张，不过可以令同学开心就好满足。”作为男团，人多自然意见多，他们分享团队的妙法：“我哋每个人擅长嘅嘢都唔同，所以反而冇咩拗撬，大家都会跟最擅长𠮶个人嘅意见去做，最难搞系‘每日食咩’，就轮流一人拣一次啰。”ZPOT劝勉同学们，千万别因外界认为不可能便放弃：“做好自己本份，努力就会有成果！当你有一个梦想喺脑入面，佢已经唔系梦想，而系一个目标，你哋仲好细个，唔使谂咁多以后嘅嘢，有梦想就去追，冇梦想就去揾啦！”

Nowhere Boys主音Van立志做Band友全因跌断脚

另一场School Tour上，Nowhere Boys主音Van提到未入行前，已任职建筑师6年，期间与不同人夹Band，多次问自己可唔可能成为全职音乐人？他说：“当你将热情变成工作，你呢世都唔使再做嘢，因为你每日都系玩紧，后来我跌断咗脚要瞓床休息，每日望住个天花板喺度谂，决定好返之后返公司裸辞，跟住就做咗全职音乐人。”Nowhere Boys认为在追寻梦想的过程，自律很重要：“唔好介意摆时间入去，任何一种专业都系一种语言，要学习点去表达，要转化为自己嘅嘢先得。”

林𬀩竣毋忘初心懒理反对声音

林𬀩竣（Regent）指很多梦想好像遥不可及，就如自己想做歌手：“就系咁先要一步步愈行愈近，可能屋企人觉得我你唱歌系咪玩玩吓？好似我咁，初头日日去唔同餐厅唱歌，要坚持唱足咁多场，到觉得自己够𠮶阵，就邀请屋企人去睇，佢哋就觉得我唔系玩。钟意做咩都无所谓，就算打机，而家都有电竞，最紧要揾到自己喜欢嘅嘢。”

一众歌手于台上分享过后，为师生们献唱，又到台下自拍、握手，现场气氛融洽又愉快，为正面对学业与前路压力的同学们，注入满满的能量。