胡定欣今日（1日）为麦当劳叔叔之家慈善基金活动担任嘉宾，她表示几年前已有去沙田院舍探访，同年还聚集了其他艺人一齐去同小朋友开了个圣诞party。她在今年新年期间就去了观塘院舍与小朋友一起做手工，她说：“喺探访过程感受到呢个家对佢哋有几咁重要。”相当有爱心。

不知道乐易玲有意退休

提到胡定欣昨晚有份参加无线高层乐易玲的生日派对，她说：“见返好多老友，同咗乐小姐讲生日快乐，身体健康。（送咗咩礼物？）人到就得㗎喇。（乐小姐话想退休揾接班人？）我无收到风佢要退休㖞，佢系工作狂嚟，等我迟啲问下佢先。（有无人选推荐？）佢呢个位要管好多人，唔容易。”昨晚定欣还见了她的好姊妹姚子羚，定欣说：“我哋都话好耐无见，我事前唔知佢会嚟，成日都会以为对方唔喺香港，通常大家生日先会约出嚟，有时有嘢做又未必约得齐。（有无顺便update佢嘅感情状况？）无㖞，佢想讲自然就讲佢。（觉唔觉得佢容光焕发咗？）佢一直都咁靓。”她又表示婚后少了出夜街，昨晚不带老公同行是因为老公好怕丑，又不是认识很多人。

老公融入朋友圈

胡定欣谈到她与老公在5月中跟单立文夫妇以及陈山聪夫妇，3 pair一起去欧洲旅行，她说：“我哋一班朋友识咗20年，未试过一齐去咁远去咁耐嘅旅行，去咗两星期，好开心，好难约得埋，大家都好珍惜，影好多相，今次系话行就行即刻上网买机票𠮶种。（老公同你啲朋友相处成点？）佢同我班朋友好夹得埋，同山聪、豹哥玩得好开心。我老公比较熟悉住宿同行程，我老公熟啲就佢安排，最无乜贡献系豹哥，因为佢要拍剧无时间做功课。”问到新婚的她可有同老公闭关造人？胡定欣说：“无嘅，依家二人世界好开心，暂时无呢个计划，我哋好谨慎，玩下朋友嘅小朋友先。”

未有遇过遭男演员加戏性骚扰

胡定欣又透露4月时录了一首自己的新歌，稍后会拍MV，是一首关于互勉的歌曲：“个idea嚟自我自己，系我想讲嘅嘢，想同大家分享，可能考虑喺生日嘅期间推出。我录完呢首歌之后去咗潮汕拍咗部电影，系讲家庭故事，做一个家姐，同鲍姐，太保哥合作，好开心。”对于早前有女艺人爆料指拍剧时被男演员加戏性骚扰，胡定欣表示未有听闻有关报道，自己亦没有遇过这类经历。