罗天宇今日（1日）为麦当劳叔叔之家慈善基金活动担任嘉宾，在活动进行期间，他突然流鼻血，幸好他裤袋里有纸巾可以即时拿来按住止血，他蹲低一会极速止血后便没事。罗天宇说：“唔知点解会流鼻血，好彩无流到周围都系，会好尴尬。寻晚做溦溦（谷娅溦）生日音乐会嘉宾，我要rap，唱返首《中年好声音4》𠮶时唱嘅歌，前几日瞓得唔好，可能有压力，所以流鼻血。（之前被淘汰咗有无阴影？）我觉得自己唱歌有进步，跳舞就要再努力啲。都想知道自己再次喺台上面表演时嘅表现系点，下次会再做得好啲。周志康仲喺里面，都想佢去到最后，感觉我同佢一齐作战紧。”

想做一个浴室好声音节目

罗天宇表示在《中4》遭到淘汰后，有去中山做萧正楠演唱会嘉宾。问到罗天宇可有向唱片公司自荐？他说：“都有问下公司，等公司忙完之后先再计划。其实我想做一个浴室好声音，因为冲凉时系喺零压力底下，睇下会唱成点，我唔系想露肉。（有咩工作大计？嚟紧会开剧，仲有商演同埋做啲social media嘅嘢，依家有练好多球类运动，迟啲有啲慈善活动可以出一份力。”