康乐及文化事务署 (康文署) 香港电影资料馆 (资料馆) 推出“对话西游”节目，分别在东九文化中心 (东九) 剧院和资料馆电影院放映3组、共6部风格各异，来自不同年代改编名著《西游记》的经典电影作品。日前在东九剧院为节目打响头炮是经过资料馆全新4K数码修复：《西游记第壹佰零壹回之月光宝盒》(1995) 和《西游记大结局之仙履奇缘》(1995) 的世界首映。两场放映除吸引大批影迷前来捧场外，当年有份参与演出的罗家英，幕后制作的马贤良 (特技) 、李健仁 (副导演)、梁华生 (美术) 、曹敬文 (统筹)，再加上文化体育及旅游局常任秘书长沈凤君、助理署长李洁仪、香港电影资料馆馆长陈彩玉均有到场支持。

周星驰两部“西游记”为节目打响头炮

在《西游记第壹佰零壹回之月光宝盒》修复版正式放映前，资料馆先播放早前特意邀请导演刘镇伟和戏中演员莫文蔚分别拍摄的分享短片，刘镇伟说：“这部电影能够喺东九文化中心剧院同大家见面，都算系一个缘份。”Karen 忆述说：“原来呢部电影不经不觉已经系31年前嘅作品，每次睇返都觉得非常惊喜同精彩，当年拍嘅每一个画面到现在都历历在目，好多朋友都好钟意我嘅角色白晶晶，非常荣幸同埋好开心曾经有份参与呢部香港经典嘅电影作品！”接著负责电影特技的马贤良在台上谈及电影特技在这30年之间的转变：“大前年我同徐克导演一齐工作，佢话AI 时代来了，我哋要重新学乜嘢叫做AI，AI 可以帮到我哋呢个电影行业，例如拍一套电影嘅气氛要有啲乜嘢元素，可以用AI去帮我哋，咁可以令到投资方知道出嚟嘅效果系点，AI 可以帮到我哋同摄影师沟通，同埋同投资方嘅沟通。”

罗家英感恩说 :“《Only You》帮我揾钱揾到而家！”

《西游记大结局之仙履奇缘》(4K数码修复版)紧接进行世界首映，罗家英、马贤良(特技)、梁华生(美术) 和曹敬文(统筹) 受邀在台上大谈当年拍摄时的趣事。家英哥在电影中饰演唐僧形象百变，还懂得说英语，他笑说：“其实识英文同埋唱英文歌系唔奇怪嘅事，点解呢？我有月光宝盒，去到边度用都得，去到美国仲学识咗《Only You》，同𠮶几个黑人做咗兄弟，月光宝盒返到嚟我咪唱《Only You》啰！”家英哥对这套电影相当怀念：“我第一次去北方咁冻嘅地方去拍戏，去到𠮶度着多多衫都系唔够，我以为着四条裤都够啦啩，但原来系唔够。”家英哥续说当时拍摄环境只得零下10度和正在下雪，唯有靠现场拍摄用的灯光的温度取暖。家英哥透露当年在录音室录Only You 时是由卢冠廷教他唱：“佢教一句，我就唱一句，之后唱咗两次就完成啦！跟住录国语版，又系唱咗两次就唱完！”家英哥也有问卢冠廷《Only You》呢类歌会否流行？卢冠廷答他说：“《Only You》呢类歌好难讲嘅，红起上嚟就会红㗎啦，如果唔红就唔红㗎啦，最紧要平常心。”家英哥感恩透露这首《Only You》最后帮他揾钱揾到而家。

提及电影在银川取景，统筹曹敬文表示：“𠮶时感觉到钱嘅重量，并唔系力量，𠮶阵要负责揽住大量人民币现金去俾钱，所以先知钱嘅重量系咁劲。”梁华生最后表示：“好多谢香港电影资料馆可以将呢两部电影采用4K修复，啲电影嘅颜色靓咗好多，令到画面更加靓更加立体。”家英哥笑言：“呢套戏三十几年啦！电影画面靓晒，我真系好开心！”

家英哥及后补充说拍摄时最难忘的经历：“最难喺银川绑住我𠮶一场戏，由晚上7 点绑住我绑到第二日嘅7 点。另外一场就喺陕西，𠮶阵落雪要换衫有四个变身，罗马战士同埋埃及王子等。最重要一场就系唱《Only You》，呢几场戏都好难忘记。”“每一次睇呢部电影都觉得人生能够拍到几套好嘅戏？能够流传到比观众欣赏？因为呢一出戏而出名，我觉得不枉此生。”家英哥坦言从没想过扮演唐僧这个角色令他得到那么多：“总之有任何工作找我，我就会尽全力去拍去做，有咩效果拍嘅时候我系唔知，出咗嚟先知。有咁嘅效果系一个梦想同意外，真系好开心！”

至于饰演唐僧一角爆红超过30年，喜获许多登台机会，家英哥表示：“一首《Only You》，呢30年都令我揾到哟钱，《Only You》对我嚟讲系令我怀念嘅一首歌，大家钟唔钟意听呢？”家英哥提到在电影中最难忘同周星驰合作：“有一段对白‘你要曳曳啦！你要同我讲㗎嘛！冇理由你要又唔俾你，我又夹硬俾你，咁究竟你要定唔要呢？’呢段台词系临时发挥冇剧本。”对于AI科技盛行的看法，家英哥回应：“科技嘅进步令好多嘢都不停变化，由一种特技到而家电脑去到AI，就系千奇百怪，系好难得㗎！我觉得呢套戏能够重新(4K复刻) 会令佢再保留得更加耐！”