“御用细佬”黄嘉乐今日（7月3日）出席电影《给阿嬷的情书》尊尚放映夜。早前有报道指，因他工作和收入不理想，所以太太除了任摄影师正职外，还需兼任地产代理，暗指黄嘉乐“靠老婆养”。黄嘉乐接受《香港01》访问时回应此事，笑言是“得啖笑”。

回应被指“冇嘢做靠老婆养”

黄嘉乐回应：“我衰啦，拍完啲嘢唔post出嚟。我惊我咁样讲唔高兴，因为佢条腰有啲疲劳，所以想做啲轻松啲嘅嘢，又唔想唔做嘢。”他表示，太太出post前曾征询过他意见，他也表示没问题，但没料到传媒反应这么大。“佢问我点算，但系我话唔系真嘅唔需要咁介怀，我话你知我做紧嘢㗎嘛。（佢会唔会嬲？）嬲咩？我话传媒朋友好锡佢，睇标题可能会少少唔开心，但你老公唔介意就冇问题，然后我话：‘人哋都好锡你，拣晒你最索嘅相出嚟。’”

赴马来西亚做电影男主角

他续指，自己为人较低调，且最近签了新公司，也即将起程到马来西亚首演惊栗电影《灵幻异度》男主角。“我惊我去到马来西亚会惊。（太太唔喺度？）系呀。点克服？瞓唔到，你同我讲个电话咁。不过我谂夜戏比较多，日头瞓夜晚开工，日头应该乜事都冇。（第一次做男主角？）电影系呀，好彩，所以已经解决咗我‘俾人讲冇嘢做’呢个问题。（趁机会开拓市场？）我希望系一个好开始，好幸运有男主角做，原来马来西亚呢个题材比较受欢迎，所以试吓。托赖，旧公司喺马来西亚仲好有地位，我哋打着旧公司旗号去，其实都几多嘢做。”