黎耀祥（祥哥）与麦长青（麦包）两大师兄弟携手主持的旅游节目《江湖见》，逢周一至五晚上9时30分翡翠台播出第二季。今季两师兄弟沿着黄河长江一带，寻找金庸笔下的锦绣山河之余，还会追寻昔日文人墨客的诗词歌赋足迹，并增设嘉宾访谈环节。

陈浩民坦承接棒张卫健压力大　黎耀祥麦包窝心呵番

昨晚（3日）一集，《西游记（贰）》大师兄孙悟空陈浩民，与两位师弟“猪八戒”黎耀祥及“沙僧”麦长青Re-U成为全晚焦点，三人大谈当年合作点滴，大晒28年不变的兄弟情。期间当陈浩民坦承接棒张卫健演孙悟空倍感压力时，祥哥及麦包先后窝心“呵番”陈浩民，祥哥：“𠮶时几好玩嘅，你同健仔两件事嚟，我哋（合作）𠮶辑好多笑位，因为佢（陈浩民）好佻皮，做到另一种（感觉）嘅马骝，小朋友啲嘅，佢系另一种喜剧嘅节奏”、“谂番你哋发唔发觉，其实第二辑喜剧位多啲，有另一种化学作用。”麦包：“我觉得冇乜所谓，观众睇你系睇你好唔好睇咋嘛。”

陈浩民首拍无线剧要求睇Playback被闹爆

难得与好兄弟把酒言欢，陈浩民还开心Share了刚加入无线拍剧的有趣经历。陈浩民透露当年《天龙八部》是他首部拍摄的无线剧集，并坦言剧集监制李添胜是其大恩人。陈浩民指当年因试镜时问监制要求睇playback，结果被其他工作人员闹爆“衰梗”，岂料李添胜却这样告诉他：“你又唔系最靓仔，戏又唔系最好，但我钟意你一样嘢，睇playback！”

他又指《天龙八部》最难忘一场戏，是在井底向李若彤表白场口，皆因自己当时演龄尚浅，根本不知如何演绎，结果意外发现自己遭现场导演闹爆：“其实都知道演得麻麻地，亦都愈演愈慌，因为（有一刻）我听到个FM漏音，个导演发咗癫：‘点呀？佢点会咁演架大佬，快啲避开佢呀！’、‘求爱㖞，佢做乜搞到喜剧咁样？’，当时我听到晒，但又唔敢停落嚟㖞…”、另祥仔麦包陪陈浩民登上翠屏山哪吒行宫期间，还有问陈浩民觉得自己“似唔似哪吒”，陈浩民闻言竟大方承认自己少年轻狂：“后生𠮶阵年少轻狂，依家大个叫洗尽铅华……生咗细路哥，真系会定咗落嚟，冇以前咁嚣士。”