“声梦小花”詹天文（Windy）自《声梦传奇》出道以来，一直备受关注。今年3月，她正式踏入20岁，迎来了人生的新阶段，更迎来了事业上的一个重要里程碑，就是她将于7月11日在麦花臣场馆举办首个个人演唱会。从昔日与一班《声梦》好友共享一个演唱会到与After Class“三小花”同台，再到如今独挑大梁，这位成年不久的女孩在接受《香港01》专访中展现出了超乎年龄的成熟与豁达，大方分享了自己面对比较、恶评以及低潮时的心路历程。

独挑大梁有压力

面对即将到来的首个个人演唱会，Windy坦言心情非常紧张：“虽然喺麦花臣呢个好熟悉嘅场地，但系自己都系会觉得有少少紧张。因为毕竟系第一次，自己一个人要hold晒成个场，我觉得都真系有少少好惊嘅感觉。”

提到与星梦一班朋友仔的发展，昔日的After Class成员如今各自在演艺圈绽放光芒，炎明熹（Gigi）早前更成功举办了个人演唱会。Windy表示看到Gigi在舞台上发光发亮，由衷地替她感到开心：“即系我见到佢喺舞台合上咁样发光，其实我觉得系好戥佢开心，同埋我觉得我哋而家都系行紧自己𠮶个速度𠮶条路，即系我可能系比较慢少少，慢慢地愈嚟愈好咁样。”然而，娱乐圈总免不了被拿来比较，问到会否担心被外界将她与其他人作比较时，Windy的态度非常明确：“其实我自己系好唔希望大家咁样去做，毕竟我都系觉得我哋每一个人都系一个好独立嘅个体。如果大家成日去攞嚟比较，其实都会有少少伤害到我哋彼此咁。所以我见到呢啲Comment，我都会尽量唔去理会。同埋我哋自己都唔会话互相比较，因为我哋都系好好嘅朋友。”

曾因无端恶评落泪 靠“报复性暴食”减压

虽然Windy并不是“出道即癫峰”，但可以说得上是年少成名，随之而来的不仅是掌声，还有网络上避无可避的恶言恶语。Windy坦承以往面对网络上的恶评时，会因为那些恶言而流下眼泪，但现在的心态已经成长了许多：“我成日都觉得点解要对一个可能你唔系真系亲身去了解嘅人有咁大恶意呢？即系我有阵时会成日去深夜自己偷偷地思考，大家点解会咁样去话我呢？”后来她逐渐想通，有些恶意是毫无来由的，“就系因为睇你就系唔钟意你，所以就系想话你咁，所以我愈系咁样谂。我愈系觉得咁冇所谓啦，因为呢啲恶言对我嚟讲，佢冇对我造成一个好大嘅价值或者影响，咁我就唔会去理会。”

对于Windy表示会因为恶言而哭泣，细节是因为：“其实大部份喊嘅话都系因为一啲有啲接受唔到嘅恶言，即系太多涌过嚟嘅时候，我就会觉得有少少承受唔住。或者有啲谣言，有啲人会去讲一啲假嘅说话，跟住大家都真系会去相信嘅时候，我就会觉得好无力嘅时候我就会喊。”Windy更指以前没这么成熟时，会有一种很重的挫败感：“其实到而家呢，我受影响嘅频率已经唔系好高，因为我而家多咗去专注喺自身方面嘅一啲提升。”因为她之前对于别人的看法比较在意，不过人愈大，她已经慢慢开始释怀。

面对压力与情绪波动，Windy笑言自己有一个相当地地的发泄方式，就是“报复性食嘢”。“我会有啲暴饮暴食嘅状态，喊啦跟住会用食好多嘢去喂食自己，因为我自己系一个好钟意食嘢嘅人。咁𠮶个状态就系可能唔系正常嘅食量，即系食好多嘢去养自己，唔好谂咁多嘢。”她笑指虽然这个方法会令自己“肥咗2 KG”，但吃完心情就会舒畅，之后再慢慢调节饮食便可。

学懂放下执着

20岁的Windy，心智上似乎比同龄人成熟不少。她承认，踏入娱乐圈这个职场，让她每一年都有不同的心态转变：“我觉得我唔系因为经历一件事突然之间长大，而系每一件事嘅积累，咁如果真系要讲嘅话，就可能系每一次经历嘅一啲失望嘅时刻。”在成长的道路上，她也经历过挫折，而这些挫折可以慢慢变成为她唱歌的养份：“唱歌嘅感情会好啲呢都会嘅，但系我有阵时都觉得有一啲情感类嘅歌系需要再多啲经历，先至可以唱出真系好破碎嘅𠮶种感觉。我觉得呢个我仲需要多啲嘅经历，可能系一啲成长类型嘅歌，我可以做得比较好少少。”

这次经历让她学会了放下与释怀，她不再让单一的挫败影响自己太久，并学会将专注力放回自身。对于早前因“语速太快”而引起的“买飞失言风波”，Windy亦淡然面对，认为那是一次表达不够完整的误会，现在的她已懂得在说话前多加思考，不再轻易被外界的风波影响情绪：“自己有阵时讲嘢语速太快，就会到时可能句嘢喺前面讲跟住个脑喺后面跟住，咁样就可能会讲嘅嘢呢个句子唔够完整。”对于当日她所说的句子，她想表达的意思是“我好多谢大家嘅支持，但系如果大家，真系可能如果嚟唔到嘅话都唔紧要，佢哋喺心入面支持我就得㗎啦。”然而报道刊出后，她曾看过这篇文的留言，她非常感谢一班有看完全文的读者，她指看完全文就会知道她的意思根本就不是嘲笑。

至于演唱会的惊喜，Windy透露歌单中除了自己的作品外，将有六至七成是Cover歌曲，更预告邀请了一位近期有合作的男嘉宾，希望能在台上与台下观众有更多的互动，为大家带来一个难忘的晚上。