193（郭嘉骏）是那种评价很两极的艺人，喜欢他的人很喜欢，讨厌他的人也很讨厌。历年的言论风波，或许令一些本来对他无感的观众，也渐渐对他留下“很抢口”的印象。但笔者始终觉得，如果一个人真的有那么多问题、真的如此难相处，他出事时大概早已众叛亲离。Dear Jane的Jackal曾用“神奇”形容193，他忆述：“你每一次都跌得好低吓，但系你可以慢慢爬返上嚟，啲人又钟意返你，但系你又再出事。”是的，连193都说自己大概每隔一年便会出事；然而一次又一次，爱惜他的人仍然在。
早前193因为在社交平台闹公司而停工，外界一度以为他与MakerVille关系陷入冰点，然而CEO金广诚（金生）很快便原谅了他，再次给予机会。两人再次见面时，金生一见到他便主动送上拥抱，眼浅的193说到这里不禁落泪，因为他感受到金生的举动是想向他表达珍惜之情：“金生佢系睇住我大嘅人嚟嘅，咁多年，我喺佢office我喊过好多次，好多时有啲唔开心或者不满，我都会去佢间房同佢倾，然后倾到喊……”除了金生，Do姐郑裕玲会主动关心他的近况，张继聪会给予人生建议，甘比提醒他要找到目标，ERROR队友也从不怪责他，阿Dee甚至常代他出面与人交涉。至于fans与街客观众，更在他停工期间送来海量DM，告诉他“好挂住你”、“你唔好放弃”。如果193真的如此乞人憎，又怎会仍有这么多人愿意接住他？
与193相处过，会发现台前那个寸嘴、冲动的193，并不等于全部的郭嘉骏。访问结束后，他离开场地时，向在场工作人员说了一句：“辛苦晒。”这句说话或许微不足道，却是他最近明显的改变，他说以前觉得讲“辛苦晒”很老土、很尴尬；最近因为读了很多哲学书，心境变得平静，与世界相处起来也仿佛和谐了一点，戾气少了，才突然明白，原来感恩的确是要说出口的。
化妆：Giann Cheung
发型：Man Chan @CHIC Private I salon
场地：The Steakhaus (太子)

想睇完整访问片段，请留意7月5日18:30 香港01 YouTube频道《由零说起》。

前辈高层都劝他“讲叻啲”　自知冲动但仍在学习中

193过往多次因言论惹起风波，身边前辈有没有劝他收口？他答得直接：“有，当然有。”传统娱乐圈一向教人少说少错，前辈与公司高层也会提醒他，不一定要讲少一点，但至少要“讲叻啲”，同一句说话，换个讲法可以完全不同。

193清楚自己的问题在哪里，也知道外界看得出来：“大家都睇得出193嘅缺点，我自己都睇得出自己嘅缺点，但系我改唔到咋嘛好多时，慢慢尝试紧改啰，但系有时我会……我嘅冲动会行先啰好多时，所以我都慢慢改紧，但未必改到。”

Do姐主动关心近况俾意见：佢唔系老pat pat𠮶种

合作过的前辈之中，问到哪位前辈曾劝导过他，193第一个想起Do姐郑裕玲，先是笑言：“我都觉得自己好威，我系行内好少有Do姐电话嘅人！”虽然他很想多与Do姐聊天，但不敢轻易打扰前辈，最多只是说新年快乐，简单问候几句，但反而Do姐间中会传讯息给他：“佢会得闲send啲嘢，话我睇完呢套韩剧，个男主角好似你㖞。”

每次见面，Do姐也会关心他的近况，甚至会透过身边人了解他最近发生甚么事，给他意见：“佢都好关心，都俾好多意见我，未必系要咁㖞，但系佢唔会系𠮶啲好‘老pat pat’，佢纯粹系建议吓，或者睇到呢个情况而去用个人嘅身份去讲。”而讲到Do姐对他做过最感动的事，当然就是之前客串其歌曲《越州公路193》MV啦，他说：“Do姐我怀疑系唯一一次拍MV，佢就系拍我个MV㖞！所以佢都对我好好啦，我牌子之前要宣传，佢帮我去影相宣传㖞，黐线，梦幻㖞呢件事，我以前睇男亲女爱大㖞大佬！”

在193眼中，有时尽管外间未必明白或同意他的言论，但Do姐未有完全否定，有时与他想法更有相近之处：“可能外间唔同意，但系佢有自己独特见解都觉得可能系咁，可能可以闯出一条新血路。”当然，Do姐真正跟他说过甚么，他不方便分享太多，但他很肯定：“我觉得佢系一个真系非常帮后辈，只要你系真心对佢，佢就会真心对返你嘅前辈。”

张继聪授人生道理兼为他唱和音　低谷时一个举动极窝心

另一位对193影响很深的前辈，便是张继聪。两人因拍摄剧集《季前赛》有了较久时间相处，193形容阿聪常常“讲经”、有很多人生道理，也给过他很多做艺人的建议。当193说想出歌时，张继聪主动提出为他作歌，更由太太谢安琪监制，令193受宠若惊。当时的《越州公路193》是由黄伟文笔下写给193 fans的歌，193坦言当时未能驾驭到这首难度相对高的作品：“呢首歌我handle唔到，我𠮶阵唔系唱流行曲㗎嘛，我唱《睡到三点》、《再见Puppy Love》呢啲就容易handle，然后我唱唔到，我个backing、和音，全部都系张继聪唱，佢花咗一日时间，特登帮我唱和音，先令到首歌而家都听得入耳，唔系咁差。”

早前193停工休息期间，外间很多猜测报道，某次他出席Tyson Yoshi MV首映，见到张继聪坐在前几行，他拍一拍对方，语带低落地说：“喂，聪！得闲揾日食饭，倾吓偈吖。”现场满满都是艺人，个个都在忙著打招呼，阿聪起初也如一般社交应酬般应了一句“好呀。”便继续望回前方，但过了数秒，他突然回头，认真对193说：“喂，真系约食饭㖞！好呀，我都想同你倾吓。”

193相信，阿聪那一刻是意识到他最近可能真的有很多不开心，才会再拧转头确认：“佢谂阿3依排可能有好多唔开心嘅嘢，我系身为一个前辈要开导佢，于是佢拧返转同我讲话‘真系约食饭啦，揾日啦，随时呀！’但系最终我都冇揾到，其实我去揾佢好方便嘅，个地理位置，但系……我就系觉得好多时我自己可以解决到，未去到最worse嘅情况，我想自己解决先，我唔想用到呢张牌。”

张继聪给过193不少建议，然而最令他印象深刻的是“吸引力法则”：“阿聪就系话，总之佢噏咗佢层楼几多钱或者租紧几多钱，我哋‘哗！’咁样啦，佢话，我一开始都好似你哋咁样‘哗’，但系每一次我越搬越大，然后我相信自己可以揾到𠮶个钱，只要我搬咗去，我就真系揾到𠮶个钱，因为吸引力法则！你嘅信念会令到你继续去揾！”193坦言自己是第一次听这个信念，于是都试著跟跟看，笑言：“我都学紧佢，但系未学到，我学到搬大啲，但系我未学到赚多啲钱。”

ERROR被指放养　193反而觉得无管束更自由

有ERROR粉丝觉得四子被公司放养，替他们不值，193反而看得比较豁达，因为在他看来，ERROR本身就是一件“唔小心成事”的事，“所以你话有冇咩放养、有冇资源，本身大家都冇谂ERROR呢几个人系做咩，我哋系几个入唔到MIRROR嘅几个人嚟㗎嘛！所以你话放养，嗱，呢个放养就造就咗ERROR！”他不会用“放养”字眼，而是少规矩、少管束，这样反而让他们拍综艺时更疯狂、更无底线，他又坦言：“如果公司要管束呢个艺人，要唔放养你嘅时候，你就要守晒所有规矩，我哋未必系咁，尤其是193，就唔能够成日好似成日都讲好多嘢、咩都讲，直率咁样。所以我唔会话系咪放养，我觉得就算系放养，都系有好处嘅放养，起码成就咗今日嘅我，如果唔系就变咗可能好普通、又冇才华，又唔讲嘢嘅普通艺人。”

与阿Dee倾最多心事　对方更代与人交涉免他冲动

ERROR的团魂不是靠口号，而是一次次有人跌倒时，其他人都自然想扶起对方。他与保锜算是较常“出事”的两人，成员面对彼此卷入风波，不一定会很戏剧化地安慰，更多时候是不特别出声：“大家都觉得，唔系第一次咯，唔出声好快就过。”而私下，他会跟阿Dee倾得多些，因为二人住得近，有时甚么都会讲，心事、废话、生活琐事，都会分享。两人性格很不同。阿Dee比较从容，会思前想后，193则往往是冲动行先。所以当193情绪上来，阿Dee有时会主动替他出面与人交涉：“佢背后都帮我处理咗啲问题，因为我冲动呢，就会好容易俾情绪影响咗我嘅行为，佢知道我呢样嘢，佢就会有时同我讲，‘喂，你唔好讲住，我帮你同呢个人讲，好冇？我帮你处理咗佢。’”

回应外界叫ERROR踢走193保锜　不觉拖累队友

网上有声音叫ERROR 4减2，踢走193和保锜，只留下阿Dee和肥仔。193当然都看过这些comment，但他就说：“啲Hater comment，‘哎呀，ERROR两个人就够啦！飞咗另外𠮶两个人啦！但系我心谂，我哋ERROR都好少一齐做嘢㖞，其实我哋多数都自己做嘢，对佢有咩影响呢？”他直言ERROR各人一年有大约8、9个月都是做个人工作，合体时间很少，即使保锜出事时，193照样有工作；193出事时，肥仔继续做舞蹈总监、阿Dee更是电影一套接一套：“所以佢冇俾我影响㗎，好明显，阿Dee电影接电影，又舞台剧，我影响咩呀？影响佢啲咩呢请问？我影响佢多咗工作？”

他甚至笑言：“我做得唔好，冇团队嘢做嘅时候呢，我觉得佢哋行得仲好！佢哋专心可以拍戏、跳舞、做舞蹈总监，唔使做ERROR嘢佢仲多咗时间做呢啲嘢，所以我觉得唔好话拖累，唔会系拖累，只不过分配时间唔同啫，我唔会觉得系咩拖累啰，我拖累最大影响系我自己啫，本身我都系做紧自己solo嘢，最多自己少咗几个广告。”193又说，以前ERROR会合体拍广告，但随著身价飙升、经济又转差，客户很难再一次请四个人拍广告，“我哋自从成名，多咗人识之后，我哋个钱钱、所有嘢都贵咗嘅时候，好难揾我哋一队一齐做嘢。而公司嘅节目系公司俾钱，所以我哋可以keep住拍，出唔出事我哋都有公司节目拍嘅，团队节目都系继续出嘅！”

他有时甚至很想反问那些网民，既然如此不喜欢193和保锜、看他们不顺眼，为何不直接支持阿Dee和肥仔的个人工作呢？他反问这些人有没有课金入场睇阿Dee的电影、支持肥仔开跳舞学校，并谓：“你成日话ERROR冇咗193冇咗保锜就好啦，其实阿Dee成日都solo job，肥仔成日都solo job，你有冇支持过佢先？你净系闹我哋，你冇咗ERROR，得返佢哋两个，不如你单支出去支持佢哋solo仲好啦，你咪唔需要闹啲咩。”在193眼中，真正的ERROR fans根本不会希望ERROR少一个人，因为这个组合本来就是靠四个人的平衡成立，拍节目要有相对失控、黐线的他和保锜，又要有“老正”的阿Dee和肥仔去制衡，这个一拉一扯的化学作用才是ERROR最好看的地方：“冇咗一个人就唔系𠮶件事。”

每次出事ERROR皆互相扶持　盼60岁揸拐杖开纪念骚

193形容四个人是互相成长的朋友，大家话题合，亦真心希望对方好，早已超越队友关系：“我睇住你好，你好我好，到我5、60岁睇到你名成利就，我都开心㗎！”在193想像里，即使有一天大家签不同公司，ERROR仍然可以存在，就像有些韩国组合，团队和个人经理人可以是分开的，但适当时候又会合体。他又说：“可能有一日我见到60岁嘅时候，阿Dee攞咗几个男主角奖，我都戥佢好开心！每个人好都系戥大家开心，所以要扶起大家，因为我哋系friend，唔关系咪团队事。”

他从未想过退出ERROR，更透露四位早有共识不会拆伙：“ERROR点都有，就算有冇嘢做都keep住ERROR，60岁𠮶阵开个《ERROR 30周年纪念演唱会》都好，大家揸住拐杖出嚟唱歌都好，都有个集体回忆。”至于合体密度是一年一次、两次，还是几年一次，四人没有认真倾过，但ERROR会继续存在，是四子间的共同默契。

闹公司成停工导火线承认好错　曾考虑提早完约

早前193停工，外界知道涉及两件Threads上的言论风波，一是与经理人济哥相关，另一是tag公司、公开“投诉”，他因不满在澳门的跨年倒数骚上没有Solo表演，仅与ERROR队友上台表演两首半歌曲，当粉丝问到为何没有solo时，他直接点名ViuTV、金生、及节目监制。问到两件事中是否后者影响更大，他毫不犹豫说：“当然系啦！”并不讳言：“系我觉得我最错嘅事，有咩唔可以三口六面讲清楚啫？”他承认自己太冲动，明明可以开会慢慢倾，他当下却将与公司的问题搬上网：“𠮶时纯粹冲昏咗头脑，好嬲，就上网讲咗，所以就酝酿成一件我同公司唔协调，沟通唔到嘅事，我就觉得，我哋未必行到落去，我哋谂法咁唔同，又冇人帮到手，于是就有呢个放假风波。”

至于之后有没有被“照肺”，193说没有，因为他本身是情绪很高涨的人，不太接受“被照肺”。当公司叫他“放假”时，他甚至一度冲口而出想解约：“当时真系觉得合作唔嚟，我话唔好搞咁多，大家都知，成日公开讨论我哋份约，一齐签，冇可能系唔同年期，都唔算好长吖年期，不如俾我走啦。因为我都唔后生，我想珍惜时间，合作唔嚟或者嘥我时间嘅嘢，不如俾我走，我冲口而出讲咗呢句说话，好多唔同中间人就话你唔好咁冲动，我就谂返，系㖞，自己真系又情绪主导！明明情绪主导完，又觉得自己错，点解又再情绪主导呢？”

坐下来认真倾之后，气氛很快缓和下来，接下来要处理的，是磋商将来如何走、公司希望他如何配合、他又有甚么要求，双方如何磨合。193认为艺人与公司、经理人的关系应该是合作，而非由其中一方全盘话事：“如果由上而下嘅话，就唔系一个合作，我总会有啲我唔想做或者唔开心嘅嘢，所以我觉得系一个合作关系，只要倾得好就可以继续行落去。”MIRROR及ERROR续约与否，成为外界关注焦点，193就觉得只要大家合作得舒服、畅顺，他要签100年约也可以：“我同公司都系同一个理念㗎而家，总之合作到咪行落去，最紧要大家舒服咪得啰，最紧要大家都开心，唔系公司锁住我做咩啫？”

金生一见面即拥抱　193泪崩：佢睇住我大

风波之后，193很快便向金生道歉，电话亲自讲又有、透过中间人帮忙传达亦有，事发不久后二人已经见面。他记得自己一月初开始休息，到二月新年前后，金生已叫他返公司倾偈，他说：“一嚟佢就揽住我啦已经，佢……想表达我系珍惜你嘅，所以就好快冇嘢。金生，佢系睇住我大嘅人嚟嘅，我都……又想喊㖭。”说到这里，193忍不住泪崩，他笑言金生向来都知自己眼浅，自己历年来也在他面前哭了多遍：“佢觉得我喊系好casual嘅事，我喺佢office咁多年嚟喊过好多次，好多时有啲唔开心或者不满，我都会去佢间房同佢倾，然后倾到喊。而呢个唔开心嘅情绪，我都唔系要闹公司或者咩，我纯粹分享点样解决呢件事，佢系一个前辈，做咗电视咁多年，佢系我最容易reach out到嘅人，《全民造星》睇住我大，啲节目都系佢开俾我，所以好快就冇嘢。”

其实在拥抱前，二人已在WhatsApp倾过，大家都知道只是一时被情绪影响过了头。193承认若自己没那样说，事情根本不会发生，幸好金生感受到他知错、也体谅他，所以很快便没事。理论上公司其实可以雪到他完约，但193短短几个月便“解冻”，他认为公司绝对是非常宽宏大量，并谓：“唔好话呢件事，咁多年来，我咁多唔同嘅言论，咁多出位嘅动作，每一间公司容纳唔到㗎讲真！我只能够自组公司呀我怀疑，因为我会影响到其他人㗎嘛，我唔系净系我自己一个，背后有一间大公司、有好多艺人，甚至影响埋间母公司都唔定，你唔知㗎㖞，193几黐线。”他感谢MakerVille宽松处理，给予他一直渴求的自由度。

停工期间狂煲哲学　睇《被讨厌的勇气》学课题分离

停工这几个月，193反思了很多，分享了一些过往未有过的想法：“人生唔系一定要追求你需要嘅嘢，你拥有咁多嘢，最终都带唔走，你享受中间做嘅嘢，过程呀、发生嘅嘢、同人嘅关系、开心，同你钟意嘅人相处嘅时间……”以前曾一心想读哲学系的他，当年与家人商讨后选了心理学系，但一直心系哲学，于是趁这个假期他看了大量哲学访谈，先由陶国璋教授的哲学Podcast看起，后来又看在YouTube听AI用10分钟读完一本书的片段，有兴趣便买来读，这些书一样有出现在早前他“自困”的玻璃屋以及MV之中，而其中一本《被讨厌的勇气》，确实改变了他的想法。

他说自己一直读的多是弗洛伊德心理学，较多经统计和实验证明；而《被讨厌的勇气》背后的阿德勒心理学则较多理论与道理。他到现在仍不同意书中某些理论，但也明白世界不是非黑即白，可以有很多想法。书中提到，人所有烦恼都源于人际关系，这点令他反思最多，假如人一出世已在孤岛，未接触过其他人，根本不会觉得孤独、不快。

他于是将这个想法引伸到其他事，以前193会想干预hater的comment，觉得对方骂他，他便急著要解释、要教对方。但“课题分离”让他开始明白，haters讲甚么、做甚么，是对方的课题，后果也由对方承受，而他只需要负责自己的人生和后果。现在他甚至会翻看负评，但不再易受牵动和急著介人和回应，而是觉得：“哦，有人咁样谂，几有趣㖞！”

《呆等》道出处境　相信等待总有价值

新歌《呆等》亦与这几个月经历有关，193是一个很珍惜时间，放假都要填满时间表的人，一开始放假，他便找Gareth Chan做歌，《呆等》最初由好友AP（潘宇谦）作曲，193本身想自己填词，反正时间多的是，不过Gareth就建议找黄伟文填。他们没有给Wyman特定题材，只希望他感受193这个人的处境，写一首歌给他。就像当年《越州公路193》，193只简短交代是写给fans，Wyman便写出他很喜欢的作品，而今次Wyman很快交来《呆等》歌词，193一看到档案名已觉得很惊讶：“哗！咁劲嘅？写紧我嘅处境嘅？”

歌曲一开始写各种等待，用不同比喻，如急症室等睇症、开窗等北极光，很快193发现原来是情歌，但当中讲的，不只是爱情里等一个人，也是等待过程中总会有所得：“你未必等到你最终想要嘅嘢，但系你嘅过程、你嘅等待，总会令你有啲启发，有啲小转变，呢个原来就系我呢几个月嘅经历啰！”

他特别提到一句歌词：“从未有坐过头等的人 有幸免费升舱 原来就够 ”他觉得很准确，有时知道自己可能一辈子也未必坐到头等舱，但有一次upgrade已经很开心；等待一个人也未必最后能在一起，但一句赞赏、一份礼物，已经足够：“而且等待过程之中可能你谂法已经转换咗，你都未必想得到最终𠮶样嘢。”

Fans与街客DM成动力　193：我咁废佢哋都冇放弃我

讲到等待，Fans在几个月前等193复出亦等得辛苦，甚至有人表示若冇193就罢睇ViuTV。《呆等》MV中亦出现fans应援片段，以及193写信给粉丝时落泪的画面。对他而言，fans一直是很重要的动力：“每次真系我想放弃嘅时候，我就会谂返起佢哋，佢哋都冇放弃我，凭咩放弃自己？ 193一个咁废嘅人，佢哋睇住佢成长。如果我放弃咗，可能佢哋冇咗个精神支柱，可能佢哋就系靠睇我嘅节目，或者听我嘅歌去帮到佢。”

休息期间，他收到海量DM，原本除了fans，更令他意外的是很多从未DM过他的街客、家庭观众，也在这段时间透过Facebook传讯息给他。他说自己多年没有看Facebook message，一打开发现原来很多人留言：“我冇咗你之后生活好闷，冇得睇你节目，我冇睇咩咩咩”、“有时我唔开心，睇你节目就开心返。”、“你填呢首歌帮到我，我唔开心嘅时候，因为我听到《Keep Walking》，我又有返动力，所以你唔好放弃，要作多啲好歌俾我哋！”这些讯息令193重新找到自己存在的价值：“冇放弃就系因为好多好支持我嘅人。”

听从甘比建议寻人生目标：要有目标令我更加开心

问到“新造”的193希望大家看见一个怎样不同的自己，他说其实没有想别人怎样看他，只希望自己在娱乐圈是一个特别的存在，“有一日我老咗、甚至死咗之后，人哋会记得193就系一个咁嘅人，我唔想做一个传统倒模嘅人，我唔想做一式一样嘅艺人，或者半个偶像啦叫做，做𠮶类型嘅人，我想做一个有特别位置！啲人记得193就系一个黐线嘅人，但系有时又可以正经，又可以好感性，咁样嘅人啰。”

早前他在The One的玻璃箱生活，华人置业行政总裁兼执行董事甘比到场探望他，并问他：“你嘅目标系咩？”193当时答不出来，才发现自己原来一直没有什么，他只对甘比说自己想开心。甘比则提醒他：“净系开心当然足够，但系你要有一个目标，你要有一个目标先会做得更加好。”

这句话令193最近一直思考，自己到底要短期目标、中期目标，还是甚么终极目标。他说自己入行时是一张白纸，机缘巧合下不小心成为艺人，并且成了名，虽然在娱乐圈过一日仿佛别人过了一个月，见尽所有有趣及荒谬，但他仍一直在学习和变化中，至于现在除了人生最重要是开心，他又多了一样想法：“我要有一个目标，令到我更加开心。”

由心说起——不再怕尴尬 学会向工作人员说辛苦晒

早前193在另一个访问中说想向很多人说对不起，问他最想向谁道歉，他说有很多，但这段时间以来，他更明显的改变，未必只是道歉，而是学会对人好一点，学会把感谢说出口。他说以前并不是对人不好，只是比较少接触，或因怕羞不敢说一些话，以前收工时，他只会点头微笑向同事说“嗯！”要讲“辛苦晒”他觉得很尴尬、老土，但最近他会主动跟大家说：“辛苦晒，唔该你哋。”他表示：“呢排觉得个人个世界，我相处嘅呢个世界和谐咗，令到我心境平静咗开心咗，于是我可以讲得出呢番说话。”

193感谢工作人员帮忙，认为虽然他们只是尽自己岗位的责任，但实际上都出于要帮193做好件事：“每一个人我都会好感谢，依排突然间有一个感恩嘅心，唔知点解，以前都感恩，但系唔会讲出嚟，好老土，但系而家原来系要讲出嚟，唔系可能冇机会讲，可能我转咗行，冇机会讲都唔定。”

最想向fans说对不起　每次出事都要他们担心

最后，193想向fans道歉，因为经常要他们担心。他自嘲自己是一个每隔一年左右便会出事的艺人，早前Dear Jane的Jackal也对他说：“你都几神奇，你每一次都跌得好低吓但系你可以慢慢爬返上嚟，啲人又钟意返你，但系你又再出事，你好神奇啊你嘅人生，我未见过。”

193听后也觉得自己确实好像很神奇，但正因如此，他更想为这份神奇道歉：“因为好多好锡我嘅或者好担心嘅人，每次出事佢哋都会好担心，我就话处理到我波动咁大啫，佢哋嘅心脏未必有我咁大㗎嘛，我都慢慢培训紧fans嘅心脏，可能已经睇化咗，出事？正常啦，193唔出事？唔正常，可能佢哋系咁谂都唔定，但系我希望佢哋任何时间都见到我，想见就见，唔需要为我担心。”