罗霖今日（5日）盛装打扮出席模特儿选秀比赛，踏入60岁的罗霖保养得宜，以一袭粉红色露肩低胸性感晚装亮相，冻龄力非常惊人。今次担任比赛评审，罗霖表示非常开心见到好多小朋友参赛，更透露最年轻的参赛者只有3岁。

罗霖会担忧日后被AI“抢饭碗”

罗霖近年积极北上发展，虽然对拍剧都有兴趣但认为最大难度是做直播，坦言做6小时直播后声都沙埋，皱纹都多了，更因避免要去厕所而不喝水。问到在内地发展可有接拍短剧时，罗霖直言由于AI短视频的关系，导致有很多艺人都拍不到短剧，拍摄机会亦较去年少，更认为AI的出现令各行各业机会少了：“但有等于时代嘅变迁，冇得改，AI我哋只可以接受又唔可以抗拒，当然系会担忧，但唔好谂咁多，因为全世界都系咁样，各行各业嘅职位都会被淘汰。”问到可会接受卖俏像权拍AI电影或剧集，罗霖笑言：“OK！我见吴启华整到几靓，仲要美化咗好多。其实我自己都有睇AI短剧，初初都觉得几有新鲜感，但睇多两三部就会觉得表情都系千遍一律，同真人做真系争好远。在于演员嚟讲，我身边啲朋友都会睇真人做嘅剧集多啲。”

罗霖做美容疗程后左眼玻璃体突然脱落

罗霖受访时透露左眼出现问题，由于年多前做了白内障晶体手术，但今年到美容公司做美容管理疗程时，做完疗程三日后出现大量飞蚊症症状，左眼玻璃体突然脱落，视力大受影响，立即睇医生安排做手术：“做完（手术）两个几月，暂时飞蚊情况少咗，但系情况未完全好返。其实依家睇嘢左眼系蒙嘅，同埋有啲飞蚊，感觉有啲嘢扻住，所以大家做咗芯片嘅朋友，千祈唔好做剧烈运动同埋美容仪器。（会唔会索偿？）因为系朋友公司就冇谂过索偿。其实做嘅当时系医生做，咁以为好好，医生都有问我做咗几耐，通常做咗1年就OK。其实我都有担心呢个问题，我话不如唔好做左眼。”问到可有怕会失明，罗霖说：“梗系惊啦！𠮶日喺街度突然间变黑咗，好惊！”更表示如果下次再有美容疗程邀请都立即拒绝。