张天赋（MC）将于7月7日起在红馆展举行五场《张天赋 E = mc² 演唱会 2026》演唱会，由于一票难求，不少人都揾圈中人“碌人情卡”帮手扑飞，而森美亦有帮朋友“代购”，他将演唱会飞用信封入住，放在裤袋，之后就发生意外！森美说：“条裤咁啱…放咗落洗衣机，而家啲飞变咗咁。”他展示皱巴巴的信封，以及变成纸碎的门票，苦笑说：“啲飞……烂晒，咁我应该点做呢？呢啲尸骸畀唔畀到朋友可以入到红馆睇MC㗎呢？点算呀？”森美对此非常无奈，更问网民：“大头虾同蠢系咪同一样嘢嚟㗎呢？我系大头虾定系…..唉！”

而搞笑社交平台帐号“华纳高层”得悉森美惨况，幽默表示：“森美大哥 新嘅MC飞已经处理好 到时红馆揾我攞啦(^_^)”不过仔细一睇，原来是Maria Cordero（肥妈）的演唱会飞，希望森美笑纳。但其后森美已向传媒表示，唱片公司已介入帮手，感谢对方“喺我最迷惘嘅时候向我伸出援手”，透露华纳将写信和确认门票位置，再“补飞”给森美。