由洪天明、Jason陈柏宇及Hilary刘沛蘅主持的《嫲嫲饭饭》节目邀来不同的嫲嫲，其中Madam卢宛茵首度带同四个孙仔、孙女上节目，更与孙女齐齐炮制美食，温馨满泻。

卢宛茵为节目献出多个第一次

Madam为HOY拍节目，便献出佢多个第一次，除了与四个孙仔、孙女拍摄外，两个仔仔Albert、Andrew 都首度公开亮相，Madam讲起以前忙于工作与儿子甚少见面都忍唔住哽咽，幸好与几个孙关系好，现在很珍惜大家一起的时间：“而家一个月起码有一日聚埋食饭，倾偈吹水笑吓，有时开家庭会议。”

洪天明透露对小朋友相当拿手

主持之一的洪天明对小朋友相当拿手，他说：“未有小朋友嘅时候，我都好钟意小朋友，任何有小朋友嘅场合，我通常好似一个小丑咁带小朋友玩。我爸爸以前都冇时间陪我哋，见嘅机会好少，而家时间多啲，唔使每日拍戏，就会畀多啲时间啲孙。当我见到爷爷同孙都开心，就已经够啦。”

刘沛蘅自爆照顾小孩不易

不过Hilary就说照顾小孩不易：“我发现钟意小朋友同凑小朋友真系两回事，拍呢个节目之后接触好多孙，好多都系小朋友，天明在行啲，通常佢同小朋友玩开咗，我就易处理啲。”Hilary这天还要下厨，她说：“好彩一早同我讲好，所以我都有做功课，睇吓点煮，同埋今日嘅菜式比较简单，我虽然好少煮嘢食，但跟住食谱都还可以。”天明也赞说：“一个唔识煮嘢食嘅人嚟讲，真系有10分，总分100分。”

梁雍婷透露小时候跟嫲嫲学扮靓

Rachel梁雍婷带同嫲嫲出镜，嫲嫲悉心打扮相当潮，Rachel说小时候是跟嫲嫲学扮靓，而她这天还下厨复刻嫲嫲的味道。对于嫲嫲记得她爱吃什么，Rachel说很感动：“但好可惜我已经变成素食者，所以佢记得我钟意食嘅嘢都冇乜用，因为而家食唔到。不过而家调返转，我见到有啲好食嘅素食餐厅都会带嫲嫲去，所以以前佢照顾我，而家就变我照顾佢，有新餐厅，或者有啲靓嘅景点，就我带番佢去探索呢啲新嘢。”眼浅的Rachel又说不怕泪洒现场：“因为系好自然嘅情感，我上年带佢去福冈玩，我都觉得好感动。”

刘沛蘅透露与家人相处似朋友

主持Jason和Hilary都很享受与家人相处时光，Hilary更说大家音乐无所不谈：“我同屋企人嘅相处比较似朋友，真系会倾偈，无论失恋、唔开心，或者工作上受到委屈，我都会同佢哋讲，我觉得呢个系好好嘅相处模式。如果我第时有小朋友，我都希望我嘅小朋友咁样同我相处。”Jason就说婆婆刚返港几个月：“佢钟意打麻雀，同我阿妈去旅行，因为我妈咪又返咗嚟。但系佢好钟意煮嘢俾我哋食，日日都问我哋想食咩，知道我钟意食鸡，日日都去街市买一两只鸡返嚟，煮定等我一定有得食。”