无线小生丁子朗昨日（7日）出席慈善节目《明爱暖万心》的记者会，而他早前迎来生日，人缘甚佳的他当然有不少庆祝活动。丁子朗接受《香港01》访问时透露面对即将到来的三十而立，他坦言感受到一定压力，但他将此化为动力。谈到生日愿望，他笑指有点老土：“真系好老土，惊讲出嚟畀人笑。我真系希望身体健康同埋过得快乐，因为今年系奔3之前啦，30岁之前最后一次嘅廿岁生日。跟住我好惊自己会成为一个自己唔钟意嘅成人，跟住会慢慢失去咗自己有趣嘅灵魂。”

父母10年未与丁子朗庆生

谈到快到30岁，家人有否给他压力，丁子朗笑指“冇㖞”：“佢地真系冇畀压力㖞，任何压力都冇㖞，佢地唯一就系希望我快乐啰，我都希望佢地快乐。”不过谈到有否催他找个女朋友时，他则指家人都会有“提醒”：“讲少少啰，真系讲两句啰，因为佢真伪系轻松带过，讲一讲咁样。”被问到父母有多少年没有跟他过生日，他笑指“都有10年”，因为自他回港发展后，与父母长期分隔两地，再加上疫情时期都没有回去见面，所以中间有四至五年没见过面。

丁子朗强调父母是他最强的后盾

不过丁子朗强调父母是他最强的后盾：“真系无论系几点Post嘢啦，佢都系第一个Like！无论系摆咩平台都真系。佢会Like埋我啲Friend嘅嘢，即系我啲Close Friend，全部都识。佢地仲有去埋旅行添，佢同我啲朋友一齐去旅行。”

父母与知心好友一起旅行

早前父母更与丁子朗的知心好友一起飞往韩国旅行，长辈与年轻人之间完全没有代沟，一拍即合，这画面亦成为他人生中最幸福的Moment之一：“真系好开心𠮶啲时间，我都成日讲，𠮶段系我其中一个最幸福嘅Moment之一。因为身边最爱嘅人都一齐，仲可以睇呢个世界，咁所以好开心。”