TVB首个玄学竞赛直播节目《玄战》正举行全球招募，主持之一的洪永城（Tony）昨日出席活动，受访时讲到无线开台元老兼“旅游KOL始祖”朱维德日前离世，原来Tony小时候已跟爸爸参加过由朱翁带队的旅行团，亦有观看其旅游节目作启蒙及参考，对朱翁非常尊敬，更透露：“去麦理浩行山好多路都系佢探索出嚟，佢曾经讲过俾我听，佢系会揸住开山刀斩条路出嚟俾大家行上山，佢好早好早已经咁做，所以佢真系我哋旅游界嘅一个非常前辈！”

现场请来6位已报名的玄学大师，期间他们为三位主持算一算，当中埃及女教主Amye及范师傅不约而同算到洪永城有3至4位兄弟姊妹，有部份缘份不深或在远处，但他表示自己只得一个哥哥，笑言：“我想打俾我老母问一问佢，可能有啲疏离啲或者我完全唔知佢存在𠮶啲。”之后他请教陈定帮师傅，自己继两位女儿之后，命中会否再有小朋友，师傅说：“我觉得就搏唔过嘅！”指未来几年走不到儿子运，可能要追到第四个才会是仔，换言之第三胎都很高机率是女。洪永城闻言即攞之前被传结扎的新闻开玩笑说：“冇紧要，我结扎咗，所以我都唔生㗎喇。”

活动后洪永城受访，指自己都笃信玄学，学得可以是一个参考，因此很希望透过今次节目认识不同派别的大师，讲到师傅算不准其兄弟姊妹数目，Tony说：“其实我冇尴尬嘅，亦都唔代表师傅唔准，可能有啲真系唔知道嘅嘢啰，所以我唔会否定师傅，佢两个都同一个数字Number，可能佢哋准过我，我唔知啫。”问到若之后节目直播时遇到师傅估错，有否想过如何解围，Tony表示：“我知道就算同一个八字盘，唔同人有唔同睇法，你话系咪错或者系咪事实嘅全部，因为事实嘅全部好广嘅，最终大家都个参考，所以唔会惊尴尬。一个节目都系因为呢啲位置令到好睇，希望有多啲唔同嘅意见，多啲唔同师傅嚟参加，有好多唔同火花出现。”至于陈定帮讲到第四胎才是仔，Tony直言冇特别渴望追仔：“应该就唔系话太大目标、再追小朋友，两个已经系最幸福嘅家庭，都够，OK！”

近日世界杯，有网民翻看当年由洪永城与黄翠如主持的《走过足球圣地》，Tony表示自己都有睇世界杯，对于近日阿根廷与埃及赛事引起的争议，他坦言自己不是专业足球评述，只懂皮毛，故不便评论。现时赛事已到八强届段，被问支持哪队捧杯，Tony说：“我几想支持北欧嘅挪威啰！我觉得今届嘅黑马，佢哋嘅气势同埋𠮶个团体精神，特别好！当然仅次佛得角，我比较支持撑一啲黑马，撑挪威入决赛！再加埋法国啦，法国气势如虹！”

谈到无线开台元老及资深主持朱维德（朱翁）日前离世，洪永城虽然没有在拍剧时遇过对方，但原来自小已参加过他所创办的“见华会社”、“见闻会社”旅行团，亦非常尊敬这位“旅游界别始祖”。他指：“𠮶时细个爸爸带我跟佢去番禺，三日两夜，任食唔嬲𠮶啲团。你已经觉得呢个人好有知识、好有内涵，各方面饮食，观光、文化景点同谈吐都系好有深度嘅人，所以佢系好厉害嘅主持界前辈！”

Tony又续说：“你睇返佢旧相，佢系好早已经单拖周游列国𠮶啲人，大家有所不知，而家我哋去麦理浩行山，好多路都系佢探索出嚟。佢曾经讲过俾我听，佢系会揸住开山刀斩条路出嚟俾大家行上山，佢好早好早已经做紧，所以佢真系我哋旅游界嘅一个非常好嘅前辈，好可惜少咗一个咁有辈分嘅一位前辈喺香港，因为佢嘅旅游节目我都有睇嘅细个，有作为参考，我都好尊敬佢。”