TVB首个玄学竞赛直播节目《玄战》正举行全球招募，并延迟截止报名日期至7月26日，昨日（9日）主持陈懿德、洪永城、甄敏芳（Jenny）及顾问主持玄学家陈定帮现身宣传活动，今次是甄敏芳首次做节目主持，而且是直播形式，她难免紧张，坦言要多做功课：“据我所知直播形式嘅节目都唔多，之前TVB都有几个综艺都系直播，我都有偷吓师，睇吓主持嘅节奏、气氛系点样，我有感受一下，睇多啲。”她直言本身对玄学一窍不通，所以一定要睇陈定帮师傅的影片恶补，但也感谢帮帮师傅很欢迎她提问，使她可以自肥。

现场请来6位已报名的玄学大师，期间他们为三位主持算命，玄学家冯命居Sunny及Nelly精确算到Jenny只拍过一次拖，性格纯品，但择偶要求高、性格倔强，要求伴侣比自己叻，并且“食得住佢”，所以前男友应该是校内的学生会会长、校队队长，其中Sunny强调：“2026-2035呢十年，小心已婚之夫”！而现时23岁的Jenny亦有问陈定帮自己真命天子何时出现，师傅说：“真命天子我觉得未有咁快，但如果你话下段感情应该系圈里面嘅人，只不过未肯定幕后定幕前，但有少少似幕前。你本身夫妻宫坐桃花，另一半都系人缘好、靓仔，注意27-29岁先认真都未迟。”

Jenny接受《01娱乐》专访，谈到被精准算出拍拖次数，她说神奇到起鸡皮：“好神奇！超神奇！佢甚至连Details都一清二楚，我有啲起晒鸡皮嘅感觉。（记者：系咪学长？）我本身比较崇拜一啲有领导能力嘅人，帮帮师傅话系一个几叻嘅人，我本身系比较慕强，同埋都好仰慕一啲有领导能力嘅人，帮帮师傅都话我个人系比较拣择少少，头先台上面嘅两位师傅其实都算得好准，佢哋都话我比较腌尖，所以过往拍拖次数唔多，非常准确。”提到Sunny师傅叮嘱她小心有妇之夫，她说：“系！真系好难想像呢样嘢，我谂我应该唔会嘅！”不过讲到有很多男士可能会隐瞒已婚身份，她表示：“都有呢个可能性，可能都提醒咗我，以后拍拖嘅时候我可能要check真啲。同埋帮帮师傅特别提醒我，千祈千祈唔好公开，咁就冇问题。”

对于帮帮师傅预言她下段感情大机会跟圈中人拍拖，但未知是幕前还是幕后，Jenny指自己对圈外或圈内人没有太大偏好，最紧要相处上合得来。由于师傅指她下段感情未必是真命天子，Jenny表示：“呢个我就好伤心啰，冇谂过去到27岁嘅年纪先拍拖，仲要唔系最后一个！已经好似我嘅青春已经冇啦，但系帮帮师傅话你再唔结婚就冇机会，所以都随缘。（记者：可以趁呢几年见多啲男仔，更加清楚自己想要乜！）系，帮帮师傅都叫我多啲出去走走，咁样有利于我，我都尝试吓唔再做宅女。”