刘颖旋（Tiffany）今日（10/7）出席无线全新节目《家传之“保”2》的宣传活动。今次节目的一大亮点，是刘颖旋成功邀请到向来低调的刘爸爸一同参与。在节目中，刘颖旋更化身“一日发型师”，亲自为爸爸洗头、染发及吹头，两父女在镜头前真情流露，互动十分温馨。

尊重爸爸意愿 无刻意说服

刘颖旋在接受《香港01》访问时透露，其实自己当初并没有刻意说服爸爸参与：“其实我系无说服嘅，因为始终自己都做咗呢一行一段时间，好记得返初初啱啱入行𠮶种对住镜头嘅时候好怕丑、好唔自然，我都怕佢会有呢种感觉。”

她表示当初收到公司邀请的通知时，第一时间便与父母进行三方通话商量：“公司有呢一个机会，问佢哋‘会唔会有兴趣呢？’，就真系攞佢嘅真实。我系由得佢去自己决定，而唔系想说服佢。因为我知道呢样嘢拍咗出嚟，个个都会见到，观众会见到，朋友都会见到。”结果，刘爸爸考虑了两、三天后，认为这是一个很好的机会，能为两父女留下美好的留念，于是便答应参与。

爆爸爸镜头后大喊“死喇！”

虽然答应了拍摄，但对于从未面对镜头的刘爸爸来说，过程依然充满挑战。Tiffany笑爆爸爸在拍摄时其实非常紧张：“佢反而觉得‘哎呀，点解自己头先好似好尴尬、好似好唔系自己咁’。开头有几个镜头，佢都会觉得自己好似好生硬。拍完之后会话‘死喇！拍完之后，哎呀，我做返自己，会唔会好似好难睇？’”

幸好幕后团队非常友善，经常与刘爸爸聊天令他放松，Tiffany大赞爸爸之后的表现“毫无保留”，将最真实的反应呈现给观众。她又透露，爸爸以往极少出镜，最多只是在记者会或拍戏时前来探班，被传媒捕捉到一、两张相片，今次绝对是处男秀。问到刘爸爸之后会否“上瘾”想继续出镜？Tiffany则笑言：“佢又未去到𠮶一步，佢话‘我都好想睇下呢个节目播咗出街，自己系o唔ok’。佢都希望自己表现得自然啲，因为真系无稿，全靠自己发挥，佢只系惊自己个样好严肃，佢话佢唔想，但其实佢系好紧张。”

亚洲传统父亲 习惯用行动示爱

节目中，Tiffany更亲手制作了一只手表送给爸爸。谈到爸爸收到礼物时的反应，刘颖旋坦言爸爸是个内敛的人：“我爹哋不嬲都系唔太show佢内心感情出嚟嘅人，所以收到嘅时候，见到佢都‘嗯’，𠮶一刻其实佢内心我相信佢都系好惊喜，但佢好少会好表露出来。同爹哋平时都系讲工作、做嘢，唔会特别讲好深层次嘅感受。”

她更形容爸爸是典型“亚洲式”的传统父亲：“我谂爹哋对我，佢系内心好锡，但佢会用行动去证明。好似我哋亚洲人好兴嘅一种生活习惯，用行动去show，好似煮嘢畀你食、帮你洗衫、照顾你、问你有无食过嘢、有无唔舒服、你边度唔舒服帮你揾药。佢系用呢啲行动去show畀你睇佢爱你，而唔会用口讲。”

最后，被问到现时有没有带男朋友给爸爸过目？Tiffany即时甜笑避谈，一边大笑一边求饶：“哇！你真系啊！如果有嘅时候会嘅，哈哈！”