现年74岁的程可为入行超过半世纪，凭著在剧集中饰演母亲、贵妇等角色深入民心。虽然她曾谦称自己并非大富大贵，笑言“如果系就唔使喺TVB挨”，但其实她是圈中公认的“隐形富婆”，靠投资物业累积了丰厚身家。生活富贵的她，经常以贵妇行头出入“富豪饭堂”福临门与好友聚会，但私下亦非常贴地搭小巴。近日，依然行头十足、配戴一套闪钻宝石耳环及两只戒指，还有珍珠颈链，贵气逼人。她接受资深传媒人汪曼玲的YouTube频道《快拍.曼镜头》访问，大谈其惊险的抗病经历，与独身主义的人生观。

咳出血揭肺生多余血管　险爆血管致命

一直坚持不婚主义的程可为，自言现时是最开心的状态。她回忆起一次惊险的患病经历，坦言单身也能独自面对生死：“我试过感冒咳，竟然咳出血，去睇医生照肺，话我个肺有一个阴影，惊住佢𠮶啲，就叫我揾专科睇吓。专科医生话我个肺唔系想像𠮶啲所谓cancer（生癌），唔系，而系多咗一条血管。香港万中无一，我竟然中咗！条血管好似树枝咁分咗好多条入个肺，已经粗到好似牙签咁。医生警告我，如果我再挨夜，条血管一充血爆咗，就会封咗个肺，好短时间就会走人！”

面对生死关头，程可为表现得极度冷静：“我马上攞住医生封信入公立医院，几日后就安排做微创手术。入到手术室，医生问我想全身定局部麻醉，我话局部就得。我仲同医生讲，我嘅生命交咗俾你，如果唔得你唔好唔开心，系命运安排我要走。我甚至要求俾个Mon我睇住做手术嘅过程！我非常清楚，有病只能靠医生，老公、情人、儿女都帮唔到你。”历时三小时的手术非常成功，将该条多余的血管扎住令其枯萎，让她顺利逃过鬼门关。

拍剧生意外跌伤尾龙骨　血压狂飙至400

除了大病，程可为在TVB拍剧时亦曾发生严重意外。她忆述当年在外景拍摄最后一个镜头时的惨痛经历：“当时要拍一个脚踩香蕉皮跌倒嘅镜头，拍咗三次都唔得。第四次，吊住我𠮶支竹突然断咗，我成个人向后跌落石屎地，‘嘭’一声整亲尾龙骨。救护员嚟到量血压，话我飙到400度！𠮶次尾龙骨撕裂住咗三个星期医院，出院后行路都要用拐杖。到而家只要天气唔好，尾龙骨就会痛。”

享受独身拒听假说话　潇洒面对财产分配

谈到感情生活与寂寞，程可为显得相当豁达，直言不明白为何有人为了怕寂寞而被人骗：“点解要咁怕寂寞啫？今时今日有学问嘅人，都系因为怕寂寞而俾人呃！佢哋要听假嘅说话氹先开心，点解要咁蠢？我唔要呢啲，名份系注定嘅，强求都冇用。我70几岁啦，你唔觉得我而家仲好开心咩？”

对于被指是“隐形富婆”，问到财产将来如何分配，她笑笑口说：“边有咁多财产啫！求其今世够使就得，始终有兄弟姊妹，冇谂咁多。总之有得做就做，有得食就食。”她更分享了自己的人生哲理：“穷咪勤力啲啰，有钱唔使咁招积。唔好惊，唔好倚赖，我最怕麻烦人。做TVB艺员我觉得好满足，后生挨得就勤力啲做，有人揾我拍我实话OK！”